«Լայպցիգի» պաշտպան Դայո Ուպամեկանոն ցանկանում է փոխել ակումբային գրանցումը։ Daily Express-ի տեղեկություններով՝ ֆուտբոլիստը ցանկանում է հեռանալ 2021 թվականի ամռանը։
22-ամյա ֆրանսիացու ծառայություններով հետաքրքրված են «Լիվերպուլը», «Մանչեսթեր Յունայթեդը» ու «Մանչեսթեր Սիթին»։ Գերմանական ակումբը ցանկանում է ֆուտբոլիստի դիմաց ստանալ 40 մլն. եվրո։ Հենց այդքան է կազմում Դայոյի հրաժարագինը։
Բունդեսլիգայի այս մրցաշրջանում Ուպամեկանոն մասնակցել է 7 հանդիպման ու հեղինակել 1 գոլ։ Ուպամեկանոյի պայմանագիրը սպառվում է 2023 թվականին։