«ՌԲ Լեյպցիգի» կենտրոնական պաշտպան Դայո Ուպամեկանոն հնարավոր է կարիերան շարունակի «Բավարիայում»։
TZ-ն վստահեցնում է, որ ֆրանսիացու տրանսֆերի համար պայքարում ֆավորիտը մյունխենյան ակումբն է: 22-ամյա ֆուտբոլիստի ծառայություններով ակտիվորեն հետաքրքրված վերջին ակումբը եղել է «Չելսին», սակայն «Բավարիան» նախկինի պես առաջատար դիրքում է։
Ուպամեկանոն մինչև 2023 թվականի ամառը գործող պայմանագիր ունի, իսկ «ցլերը» չեն ցանկանում նրան բաց թողնել անմիջական մրցակից ակումբ։ Այդուհանդերձ, «Բավարիան» կարող է ակտիվացնել պաշտպանի հրաժարագինը, որն ամռանը կազմելու է 40 միլիոն եվրո։
Գերմանական գրանդում կարծում են, որ Դավիդ Ալաբայի մոտալուտ հեռանալու և Ջերոմ Բոատենգի տարիքի պատճառով կենտրոնական պաշտպանի դիրքն ամրապնդելու անհրաժեշտություն կա։
