Ինչպես արդեն տեղեկացրել ենք, «Ուրարտուն» VBET Հայաստանի Պրեմիեր լիգայի 24-րդ տուրում սեփական հարկի տակ նվազագույն հաշվով առավելության է հասել «Նոայի» նկատմամբ: 3-րդ րոպեին հաղթական գոլ է խփել կիսապաշտպան Ուգոչուկվու Իվուն:
Այդպիսով, աղյուսակի առաջատար «Նոան» չի օգտվել չեմպիոնության մյուս հավակնորդների սայթաքումներից («Վան» 3-1 «Ալաշկերտ», «Արարատ-Արմենիա» 1-1 «Արարատ»): Դմիտրի Գունկոյի գլխավորած թիմը 3 միավորի առավելություն ունի մոտակա հետապնդող «Արարատ-Արմենիայի» նկատմամբ («Նոան» նրա համեմատ 1 հանդիպում ավելի է անցկացրել), 4-ական միավորով էլ գերազանցում է «Արարատին» և «Ալաշկերտին» (2-ական մրցավեճ է ավելի անցկացրել):
VNews․am-ի ֆոտոթղթակից Գրիգոր Գրիգորյանը ներկայացնում է այդ խաղից իր պատրաստած ֆոտոշարքը:
- 25
