Եվրոպական ազգային առաջնություններում հանգստյան օրերին կայանալու են հերթական տուրերի հանդիպումները, որոնք խոստանում են թեժ ու գրավիչ ժամանց ապահովել երկրպագուներին:
Ձեր ուշադրությանն ենք ներկայացնում 5 հանդիպում, որոնք սպասվում են առավել մեծ հետաքրքրությամբ:
«Չելսի» – «Արսենալ»
Պրեմիեր լիգա, 5-րդ տուր, սեպտեմբերի 17, մեկնարկը՝ 16:30-ին
Կողմերի դիրքը մրցաշարային աղյուսակում. «Չելսի»՝ 3-րդ տեղ (9 միավոր), «Արսենալ»՝ 11-րդ տեղ (6 միավոր)
Կորուստները. «Չելսի»՝ Դրինքուոթեր (վնասվածք)
«Արսենալ»՝ Բյելիկ, Կասորլա, Կոկլեն (վնասվածքներ), հարցականի տակ է Չեմբերսի մասնակցությունը (վնասվածք)
Կողմերի վերջին 5 դիմակայություններում՝ թիմերը հաղթել են 2-ական անգամ, խաղերից մյուսն էլ կայացել է այս տարվա օգոստոսի 16-ին, և Անգլիայի Սուպերգավաթում «Արսենալը» հաղթել է 11-մետրանոց հարվածաշարում (1-1, 11մ հարվածաշարում՝ 4-1)
