Եվրոպական ազգային առաջնությունները հավաքականների հանդիպումներով պայմանավորված դադարից հետո վերադառնում են և պատրաստ են թեժ ու գրավիչ հանդիպումներով կրկին ուրախացնելու երկրպագուներին:
«Մանչեսթեր Յունայթեդը», որտեղ հանդես է գալիս Հենրիխ Մխիթարյանը, Պրեմիեր լիգայի 4-րդ տուրում հյուրընկալվելու է «Սթոք Սիթիին»: Խաղը կայանալու է շաբաթ օրը՝ սեպտեմբերի 9-ին, և մեկնարկելու է 20:30-ին:
Ձեր ուշադրությանն ենք ներկայացնում հանգստյան օրերին կայանալիք ևս 5 հանդիպում, որ սպասվում են առավել մեծ հետաքրքրությամբ:
«Մանչեսթեր Սիթի» – «Լիվերպուլ»
Պրեմիեր լիգա, 4-րդ տուր, սեպտեմբերի 9, մեկնարկը՝ 15:30-ին
Կողմերի դիրքը մրցաշարային աղյուսակում. «Մանչեսթեր Սիթի»՝ 4-րդ հորիզոնական (7 միավոր), «Լիվերպուլ»՝ 2-րդ հորիզոնական (7 միավոր)
Կորուստները. «Մանչեսթեր Սիթի»՝ Ստեռլինգ (որակազրկում), Գյունդողան (վնասվածք)
«Լիվերպուլ»՝ Բոգդան, Կլայն, Լալյանա (վնասվածքներ), հարցականի տակ է Ինգսի մասնակցությունը (վնասվածք)
Կողմերի վերջին 5 դիմակայություններում՝ «Լիվերպուլը» հաղթել է 4 անգամ, գրանցվել է մեկ ոչ-ոքի
