«Վուլվերհեմփթոնի» գլխավոր մարզիչ Նունու Էշպիրիտու Սանտուն խոսել է այն դժվարությունների մասին, որոնց թիմը բախվելու է Եվրոպա լիգայի գավաթի խաղարկության որակավորման 3-րդ փուլում «Փյունիկի» հետ հանդիպելու պատճառով։
«Գիտենք, որ դժվար է լինելու հեռավորության առումով, բայց մենք պատրաստ կլինենք: Հարկավոր է հաղթահարել երկար տարածություն: Գիտենք, թե ինչ խնդրի ենք հանդիպելու և արդեն այս պահից մտածում ենք այդ մասին»,- մասնագետի խոսքերը մեջբերում է «Վուլվերհեմփթոնի» պաշտոնական կայքը:
«Փյունիկ» – «Վուլվերհեմփթոն» առաջին մրցավեճը Երևանում կայանալու է օգոստոսի 8-ին: Անգլիական թիմը դրանից 3 օր անց իր առաջին հանդիպումն է անցկացնելու Պրեմիեր լիգայի 2019/20թթ․ մրցաշրջանում՝ հյուրընկալվելով երկրի նախկին չեմպիոն «Լեսթերին»:
Հավելենք, որ կողմերը պատասխան խաղի շրջանակում Մառախլապատ Ալբիոնում հարաբերությունները պարզելու են օգոստոսի 15-ին:
