ՖԻՖԱ-ն ներկայացրել է Կատարում կայանալիք Աշխարհի 2022 թվականի առաջնության թալիսմանը։
Թալիսմանի անունը Լաիբ է, որը արաբերենից թարգմանաբար նշանակում է «գերորակավորված խաղացող»։
Համաձայն ՖԻՖԱ-ի պաշտոնական կայքի նկարագրության՝ Լաիբը «թալիսմանների զուգահեռ տիեզերքից է, որին անհնար է նկարագրելը»։ Այդ է պատճառը, որ յուրաքանչյուր ոք ինքնուրույն կարող է որոշել՝ ում է նա նման։
Լաիբը բնութագրվել է նաև որպես «նախաձեռնող, ուրախ ու հետաքրքրասեր»։