ՊՍԺ-ի կիսապաշտպան Ջորջինյո Վեյնալդումը կարիերան կարող է շարունակել Լա լիգայում:
Ինչպես հաղորդում է Mundo Deportivo, նիդեռլանդցին հայտնվել է «Ատլետիկոյի» տրանսֆերային թիրախում: Նշվում է, որ մադրիդյան ակումբը պատրաստ է 20 մլն եվրո տրամադրել՝ գործարքի կայացման համար:
31-ամյա ֆուտբոլիստը կարող է փոխարինել Հեկտոր Էրերային, որն ամռանն ազատ գործակալի կարգավիճակով համալրելու է ամերիկյան «Հյուսթոն» թիմը:
Ընթացիկ մրցաշրջանում փարիզյան թիմի կազմում Վեյնալդումը մասնակցել է 28 խաղի, դարձել 3 գոլի և 2 արդյունավետ փոխանցման հեղինակ:
