«Լիվերպուլը» բանակցություններ չի վարում ՊՍԺ-ի կիսապաշտպան Ջորջինյո Վեյնալդումի հետ՝ հայտնում է ինսայդեր Ֆաբրիցիո Ռոմանոն:

Աղբյուրի հաղորդմամբ՝ նիդեռլանցու՝ «Էնֆիլդ» հնարավոր վերադարձի մասին լուրերն իրականությանը չեն համապատասխանում: Մերսիսայդցիները գերադասում են երկարաձգել Նաբի Կեյտայի հետ պայմանագիրը, որը գործում է մինչև 2023 թվականի հունիսի 30-ը:

Հիշեցնենք, որ 31-ամյա Վեյնալդումը «Լիվերպուլի» գույները պաշտպանել է 2016 թվականից: 2021 թվականին նա տեղափոխվեց փարիզյան ակումբ, սակայն մինչև այժմ չի կարողանում ամրապնդվել մեկնարկային կազմում: