Բելգիայի հավաքականի կիսապաշտպան Աքսել Վիտսելը մարզական կարիերան կշարունակի Մադրիդի «Ատլետիկոյում», հաղորդում է «հնդկացիների» պաշտոնական կայքը:
Դորտմունդի «Բորուսիայից» ազատ գործակալի կարգավիճակով հեռացած 33-ամյա ֆուտբոլիստը մադրիդյան ակումբի հետ կնքել է 1 տարվա պայմանագիր, որի ժամկետը կգործի մինչև 2023 թվականի հունիսի 30-ը:
2021/22 մրցաշրջանում Վիտսելն ակումբային մակարդակում մասնակցել է 40 խաղի, խփել 2 գոլ:
