Խառը մենամարտերի (ММА) ռուսաստանցի մարտիկ Էդուարդ Վարդանյանը դարձել է թեթև քաշային կարգում АСА-ի Գրան պրիի կիսաեզրափակիչի երկրորդ մասնակիցը։
Մոսկվայում տեղի ունեցած մենամարտում նա խեղդող հնարքով վաղաժամ հաղթանակ է տարել հարավաֆրիկացի Ալեյն Իլունգայի նկատմամբ։ Դա մեր հայրենակցի 23-րդ հաղթանակն էր կարիերայում, որի ընթացքում նա կրել է նաև 4 պարտություն։
Վարդանյանի հաջորդ մրցակիցը լինելու է Ռուսաստանը ներկայացնող Յուսուֆ Ռայիսովը։ Այդ մենամարտը նախատեսված է սեպտեմբերի 17-ին Մոսկվայում։
Մրցաշարի մրցանակային հիմնադրամն ավելի քան 800 հազար դոլար է։ Կիսաեզրափակիչի մյուս երկու մասնակիցները կորոշվեն ավելի ուշ։
Ի դեպ, ACA-ի մամուլի ծառայության հաղորդմամբ՝ Վարդանյանը դարձել է խառը մենամարտերի ACA 139 մրցաշարի արդյունքներով 5 հազար դոլարի հավելավճարի արժանացած երկու մարտիկներից մեկը։
Իսկ ահա Հայաստանի ներկայացուցիչ Գերման Բարսեղյանի նկատմամբ վաղաժամ հաղթանակ տարած բրազիլացի Չարլզ Էնրիկեն պարգևավճարից զրկվել է կշռման արարողությունը տապալելու պատճառով։