Խառը մենամարտերի ռուս մարտիկ Վյաչեսլավ Վասիլևսկին խոսել է Արման Ծառուկյանի մասին, որը հունիսի 25-ի լույս 26-ի գիշերը UFC Fight Night 208 մրցաշարի գլխավոր մենամարտում հանդիպելու է Մատեուշ Գամրոտին։
«Ծառուկյանն ուժեղ մարտիկ է, բայց այսօրվա դրությամբ դեռևս չունի չեմպիոնական մակարդակ։ Չեմպիոնական ներուժ ունի, սակայն դա չափազանց լայն հասկացություն է։
Ամեն դեպքում, տարբեր կազմակերպություններում, նույնիսկ UFC-ում չեմպիոնները հաճախ են փոխվում։ Այս պատճառով չեմպիոնական ներուժ ասվածը չափազանց լղոզված բնորոշում է։ Թոփ-15-ի շարքի ցանկացած մարտիկ, լինելով լավագույն մարզավիճակում, կարող է հաղթել առաջին համարին։ Առաջատարներից յուրաքանչյուրը կարող է չեմպիոն դառնալ, նա ունի ներուժ»,- «Чемпионат»--ը մեջբերում է Վասիլևսկիի խոսքը: