«Բարսելոնայի» գլխավոր մարզիչ Չավին ամփոփել է Եվրոպա լիգայի 1/4 եզրափակիչի պատասխան խաղում Ֆրանկֆուրտի «Այնտրախտից» կրած պարտությունը (2:3):
«Մենք հերոսություն ցույց տվեցինք, բայց դա բավարար չէր։ Մենք պարտվում էինք, բայց կարողացանք տարբերությունը հասցնել 1 գոլի։ Այնքան էլ լավ չէինք խաղում, չէինք հասկանում, թե ինչպես պետք է գործել հարձակման ժամանակ: Վերահսկում էինք խաղը, բայց եվրագավաթներում թույլ տված սխալների համար պետք է վճարել։
Հիմա պետք է կենտրոնանանք առաջնության վրա։
Փորձեցինք հաղթել: Այս արդյունքը ձախողում չէ, բայց ես շատ հիասթափված եմ: Այժմ մեր նպատակը Չեմպիոնների լիգա դուրս գալն է»,- Չավիի խոսքը մեջբերում է Marca-ն։