«Բարսելոնայի» գլխավոր մարզիչ Չավին գովեստի խոսքեր է ասել թիմի կիսապաշտպան Պեդրիի հասցեին, սակայն նշել է, որ նրանց խաղը մեծապես կախված չէ մեկ ֆուտբոլիստից:
«Նա հիանալի խաղացող է: Մի խնայեք նրա հասցեին հնչող գովասանքները։
Նա այնպիսի խաղացող է, որը հիացնում է ինձ և կարող է փոփոխություն մտցնել յուրաքանչյուր խաղում:
Նա հիանալի գոլ խփեց «Լևանտեի» դեմ խաղում, բայց ես չեմ կարծում, որ մենք կախվածություն ունենք նրանից»,- Չավիի խոսքը մեջբերում է Marca-ն:
Նա նշել է, որ թիմում ոչ պակաս նշանակալից խաղացողներ կան.
«Ֆրենկի դե Յոնգը և Նիկո Գոնսալեսը նույնպես ջանք գործադրեցին «Լևանտեի» դեմ խաղում»:
Ընթացիկ մրցաշրջանում Պեդրին Լա լիգայում անցկացրել է 12 հանդիպում՝ դառնալով 3 գոլի և 1 գոլային փոխանցման հեղինակ։
