«Բարսելոնայի» գլխավոր մարզիչ Չավին հայտնել է, որ Իսպանիայի առաջնության 38-րդ տուրում «Վիլյառեալի» դեմ կայանալիք խաղը կարող է վերջինը լինել Ուսման Դեմբելեի համար կատալոնական ակումբում։
«Սա կարող է «Բարսելոնայում» Դեմբելեի վերջին խաղը լինել, բայց Ուսմանը դեռ կարող է երկարաձգել պայմանագիրն ակումբի հետ։ Դեմբելեն վճռական ֆուտբոլիստ է և ինձ շատ է դուր գալիս։
Ես լավատեսորեն եմ տրամադրված ու հույս ունեմ, որ Ուսմանը կարիերան կշարունակի մեր թիմում»,- Չավիի խոսքն է հաղորդում լրագրող Ֆաբրիցիո Ռոմանոն։
Դեմբելեն «Բարսելոնա» է տեղափոխվել 2017 թվականի օգոստոսին։
2021/22 մրցաշրջանում հարձակվողը թիմի կազմում անցկացրած 31 խաղում դարձել է 2 գոլի ու 13 գոլային փոխանցման հեղինակ։ 25-ամյա ֆրանսիացու գործող պայմանագիրն ակումբի հետ ուժի մեջ է մինչև հունիսի 30-ը:
