«Բարսելոնայի» գլխավոր մարզիչ Չավին խոսել է «Բավարիայի» հարձակվող Ռոբերտ Լևանդովսկիի՝ կատալոնական ակումբ հնարավոր տեղափոխության մասին։
«Ռոբերտը հիանալի խաղացող է, բայց հիմա մենք պետք է կենտրոնանանք Եվրոպա լիգայի 1/4 եզրափակիչի՝ «Այնտրախտի» դեմ խաղին: Այս թեման քննարկելու ճիշտ ժամանակը չէ»,- Չավիի խոսքն է մեջբերում իտալացի հեղինակավոր լրագրող Ֆաբրիցիո Ռոմանոն։
Ավելի վաղ հաղորդվում էր, որ Չավին անձամբ է համոզում լեհ հարձակվողին տեղափոխվել «Բարսելոնա»: 33-ամյա հարձակվողի պայմանագիրը մյունխենյան ակումբի հետ կավարտվի 2023 թվականի ամռանը:
Transfermatkt-ը Լեհաստանի հավաքականի խաղացողի տրանսֆերային արժեքը գնահատում է 50 միլիոն եվրո։ Ընթացիկ մրցաշրջանում Լևանդովսկին «Բավարիայի» կազմում անցկացրել է 41 հանդիպում բոլոր մրցաշարերում՝ դառնալով 47 գոլի և 4 գոլային փոխանցման հեղինակ։