«Բարսելոնայի» գլխավոր մարզիչ Չավին մտադիր է ամռանը գլոբալ թարմացնել թիմի կազմը՝ հայտնում է ESPN-ը։ Աղբյուրի տեղեկություններով՝ Չավին մի շարք ֆուտբոլիստների տեղեկացրել է, որ նոր թիմ փնտրեն:
Այդ ֆուտբոլիստներն են Ռիկի Պուչը, Օսկար Մինգեսան, Մարտին Բրեյթվեյթը, Սամուել Ումտիտին, Կլեման Լանգլեն, Ֆերան Ժուտգլան, Միրալեմ Պյանիչը և Ֆրանսիշկու Տրինկանը։ Բացի այդ, «Բարսելոնան» չի գնի վարձավճարով ելույթ ունեցող վինգեր Ադամա Տրաորեի և հարձակվող Լյուկ դե Յոնգի տրանսֆերային իրավունքները:
Աղբյուրը նաև հավելում է, որ ծանր ֆինանսական վիճակի պատճառով «Բարսան» պատրաստ է տրանսֆերային առաջարկներ լսել նաև նիդեռլանդցի ֆուտբոլիստներ Ֆրենկի դե Յոնգի և Մեմֆիս Դեպայի վերաբերյալ: