«Մանչեսթեր Յունայթեդի» կիսապաշտպան Ադնան Յանուզայը կարիերան կշարունակի Իսպանիայում:
Ինչպես հաղորդում է «կարմիր սատանաների» պաշտոնական կայքը, 22-ամյա կիսապաշտպանը հաջորդ մրցաշրջանից կխաղա «Ռեալ Սոսյեդադում»: Ֆուտբոլիստը կկնքի 5-ամյա պայմանագիր իսպանական ակումբի հետ:
Անցած մրցաշրջաններում Յանուզայը վարձավճարով հանդես է եկել «Բորուսիայում» և «Սանդերլենդում»:
Յանուզայը «Օլդ Թրաֆորդ» էր տեղափոխվել 2011 թվականին, երբ դեռ 16 տարեկան էր:
