Սերբիայի մայրաքաղաք Բելգրադում շարունակվում է ազատ ոճի ըմբշամարտի աշխարհի մինչև 23 տարեկանների առաջնությունը:
70 կգ քաշային Վազգեն Թևանյանը կիսաեզրափակիչում 5-4 հաշվով հաղթեց մոլդովացի Նիկոլայ Գրահմեսին և դուրս եկավ եզրափակիչ՝ ապահովելով առնվազն արծաթե մեդալ։
Հիշեցնենք, որ Վազգեն Թևանյանը քառորդ եզրափակիչում 5-4 հաշվով հաղթել էր թուրք Ջունեյթ Բուդակին։
Որակավորման փուլում Թևանյանը 3-1 հաշվով հաղթել էր գերմանացի Շամիլ Ուստաևին, 1/8 եզրափակիչում 11-2 հաշվով առավելության էր հասել ուզբեկ Բեգիյոն Կուլդաշևի նկատմամբ: