Թեհրանում իրենց ելույթներն են ավարտել զինվորականների աշխարհի առաջնության մասնակից հունահռոմեական ոճի ըմբիշները:
ՀԱՕԿ-ի հաղորդմամբ՝ վաստակավոր մարզիչներ Էդիկ Սահակյանի և Սամվել Գևորգյանի սաները հաջող մրցելույթներ ունեցան:
Կարեն Ասլանյանը(72 կգ) և Գևորգ Թադևոսյանը(87 կգ) միայն հաղթանակներ են գրանցել՝ նվաճելով չեմպիոնի կոչումը: Նրանց թիմակիցներ Ռուդիկ Մկրտչյանը(55 կգ) և գերծանրքաշային Դավիթ Օվասապյանն արժանացել են փոխչեմպիոնի պատվին:
Մեր հավաքականի հաշվին հինգերորդ մեդալը գրանցել է Սամվել Աղաջանյանը(67 կգ), որը կանգնել է պատվանդանի երրորդ աստիճանին:
Ինչպես ազատ ոճայինները, այնպես էլ հունահռոմեականները թիմային պայքարում գրավել են երրորդ տեղը:
