BBC հեռուստաալիքի եթերում «Մանչեսթեր Յունայթեդի» հասցեին վիրավորանք է հայտնվել: Ուղիղ եթերի ժամանակ վազող տողով երևացել է «Մաչեսթեր Յունայթեդն աղբ է» նախադասությունը:
Լրագրող Անիտա Մակվեյը, որն այդ պահին աշխատում էր եթերում, ներողություն է խնդրել հեռուստադիտողներից՝ բացատրելով իրավիճակը.
«Հնարավոր է՝ շատերը նկատեցին «Մանչեսթեր Յունայթեդի» մասին գրվածը: Հույս ունեմ՝ երկրպագուները վիրավորված չեն: Թույլ տվեք բացատրել. կուլիսներում ինչ-որ մեկը պրակտիկա էր անցնում՝ վազող տողով հրապարակումների վրա աշխատելու համար և պատահական բաներ էր գրում: Ամեն դեպքում դա չպետք է հայտնվեր եթերում, և մենք ներողություն ենք խնդրում»:
Ավելի ուշ ներողություն է խնդրել նաև BBC հեռուստաալիքը.
«Փորձնական աշխատանքի ժամանակ տեխնիկական խոտան է եղել, և վազող տողը մի քանի վայրկյան հայտնվել է ուղիղ եթերում: Ներողություն ենք խնդրում ուղիղ եթերում հայտնված վիրավորանքի համար»: