VivaroNews-ն առանձնացրել է դեկտեմբերի 20-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը:
ՀԱՅԱՍՏԱՆ
Հայաստանի մարզական լրագրողների ասոցիացիան ամփոփել է «Հայաստանի լավագույն մարզիկի» քվեարկության արդյունքները, որին մասնակցել են ընդամենը 35 լրագրողներ: Հայաստանի լավագույն մարզիկ 3-րդ տարին անընդմեջ ճանաչվել է Օլիմպիական չեմպիոն Արթուր Ալեքսանյանը:
Հայաստանի գործող չեմպիոն «Ալաշկերտը» փետրվար ամսին ուսումնամարզական հավաք կանցկացնի ԱՄՆ-ում: Մեր թիմն այնտեղ կանցկացնի 2 միջազգային ընկերական հանդիպում: Մրցակիցներից մեկը կլինի «Ռեալ Սոլթ Լեյքը», որի հետ հանդիպումը տեղի կունենա փետրվարի 24-ին, Լոս Անջելեսում: Ամերիկյան այդ թիմում հանդես է գալիս Յուրա Մովսիսյանը:
Eurosport-ը մանրամասնորեն անդրադարձել է Հենրիխ Մխիթարյանի դերին Ժոզե Մոուրինյոյի խաղային մարտավարությունում և ընդգծել, թե հայ կիսապաշտպանը որքան կարևոր ֆուտբոլիստ է դարձել «Մանչեսթեր Յունայթեդի» համար:
Հենրիխ Մխիթարյանը գրավել է նաև իսպանական AS հայտնի պարբերականի ուշադրությունը:
