տուր
01 Հունվար 1970 - 12:40
- Հայաստանի ազգային հավաքականի թեկնածու Յուրա Մովսիսյանը «Կրասնոդարի» երկրպագուների շրջանում անցկացված քվեարկության արդյունքում հայտնվել է ակումբի պատմության լավագույն ֆուտբոլիստների եռյակում: Այս մասին հաղորդում է ռուսական ակումբի պաշտոնական կայքը:
Հարցմանը մասնակցել է շուրջ 7400 ֆուտբոլասեր: 32-ամյա Մովսիսյանի օգտին քվեարկել է հարցվածների 20,77%-ը, ինչի շնորհիվ նա հայտնվել է 3-րդ հորիզոնականում:
Իսկ լավագույնն է ճանաչվել ուրուգվայցի կիսապաշտպան Մաուրիսիո Պերեյրան, որի օգտին քվեարկել է հարցվածների 37,86%-ը: 2-րդ տեղը զբաղեցրել է շվեդ պաշտպան Անդրեաս Գրանկվիստը, որը ստացել է 25,41% ձայն: Քվեարկության մասնակիցները հնարավորություն են ունեցել իրենց ձայնը տալու նաև այնպիսի ֆուտբոլիստների, ինչպիսիք են Ֆյոդոր Սմոլովը, Վանդերսոնը, Օդիլ Ահմեդովը, Ժոաոզինյոն, Վիտալի Կալեշինն ու Շարլ Կաբորեն:
Մովսիսյանը «Կրասնոդարի» կազմում հանդես է եկել 2011-2012թթ․ և մասնակցած 50 խաղում դարձել 23 գոլի հեղինակ, ինչից հետո կարիերան շարունակել Մոսկվայի «Սպարտակում»:
Պերեյրան ռուսական ակումբում ելույթ է ունեցել 2013-2019թթ․՝ անցկացրած 201 մրցավեճում իր ակտիվում գրանցելով 12 գոլ ու 16 արդյունավետ փոխանցում: Նա այս տարվա ամռանը դարձել է «Օռլանդո Սիթիի» ֆուտբոլիստ:
SofaScore․ Սարգիս Ադամյանը՝ Բունդեսլիգայի 17-րդ տուրի խորհրդանշական հավաքականում
