«Յուվենտուսը» սկսել է թիմի կենտրոնական պաշտպան Լեոնարդո Բոնուչիին փոխարինող գտնելու գործընթացը, հաղորդում է Tuttosport-ը:
Թուրինյան ակումբի ղեկավարությունը դիտարկում է հիմնական 3 թեկնածուների: Խոսքը նախևառաջ «Վալենսիայից» Էյզեկիել Գարայի և «Ռոմայից» Կոստաս Մանոլասի մասին է: Վերջինիս հետ Իտալիայի չեմպիոնն այս ամռանն արդեն փորձել է համաձայնության հասնել, սակայն պայմանավորվածություն ձեռք չի բերել հռոմեական ակումբի հետ:
Երրորդ թեկնածուն էլ «Լացիոյի» պաշտպան Ստեֆան դե Վրեյն է, ում ծառայություններով հետաքրքրված է նաև «Մանչեսթեր Յունայթեդը»:
Բոնուչին օրերս է տեղափոխվել «Միլան», որը նրա տրանսֆերի դիմաց վճարել է 42 մլն եվրո:
