Ռուսաստանի հավաքականի ու Մոսկվայի «Դինամոյի» կիսապաշտպան Արսեն Զախարյանի գործակալ Պավել Անդրեևը մեկնաբանել է այն տեղեկությունը, ըստ որի՝ «Բարսելոնան» հետաքրքրված է 18-ամյա ֆուտբոլիստի ծառայություններով:
«Մենք պաշտոնական տվյալներ չունենք: Միգուցե «Դինամոյի» հետ կապ են հաստատել, մեզ հետ՝ ոչ: Շատերն են հետաքրքրված Արսենի ծառայություններով, մեծ թվով զանգեր ենք ստացել, բայց փաստաթղթավորված առաջարկ՝ ոչ»,- «Матч ТВ» հեռուստաընկերությունը մեջբերում է ֆուտբոլիստի գործակալի խոսքը:
Միևնույն ժամանակ նշվում է, որ «Դինամոյի» ներկայացուցիչները հրաժարվել են մեկնաբանել «Բարսելոնայի»՝ Զախարյանի ծառայություններով հետաքրքրվելու վերաբերյալ տեղեկությունը:
