Իտալական «Ռոման» շարունակում է տարբերակներ դիտարկել՝ թիմի հայ կիսապաշտպան Հենրիխ Մխիթարյանին փոխարինելու համար:
«Евро-Футбол»-ի հաղորդմամբ՝ հռոմեական թիմի պորտուգալացի գլխավոր մարզիչ Ժոզե Մոուրինյոն Մխիթարյանին փոխարինելու համար ցանկանում է «Ռոմայում» տեսնել Մոսկվայի «Դինամոյի» հայազգի կիսապաշտպան Արսեն Զախարյանին:
Աղբյուրը նշում է, որ Հռոմում կարևորում և բարձր են գնահատում Զախարյանի տաղանդը, ուստի ցանկանում են ձեռք բերել նրա տրանսֆերային իրավունքը:
Ըստ մի շարք հեղինակավոր աղբյուրների՝ Մխիթարյանն առաջիկա օրերին կտեղափոխվի Միլանի «Ինտեր»: Հենրիխի՝ «գայլերի» հետ պայմանագիրը գործում է մինչև հունիսի 30-ը:
19-ամյա Զախարյանը Ռուսաստանի Պրեմիեր լիգայի 2021/2022 մրցաշրջանում մասնակցել է 29 հանդիպման, խփել է 7 գոլ և կատարել 8 ասիստ: Ֆուտբոլիստի՝ մոսկովյան ակումբի հետ պայմանագիրը գործում է մինչև 2024 թվականի ամառ:
