«Դինամոյի» կիսապաշտպան Արսեն Զախարյանը մեկնաբանել է Ռուսաստանի հավաքականի գլխավոր մարզիչ Վալերի Կարպինի հայտարարությունը, թե ռուս ֆուտբոլիստներն ինքնավստահության պակաս ունեն։
«Միգուցե: Ինչո՞վ է սա պայմանավորված։ Ես հիմա չեմ կարող նշել մեկ պատճառ: Միգուցե պատճառը մենթալիտետն է: Ես դեռ թոփ թիմերի դեմ չեմ խաղացել, միայն խորվաթների հետ, որտեղ համաշխարհային մակարդակի խաղացողներ կային։ Չէի վախենում նրանց դեմ մրցավեճում:
Սկզբունքորեն չեմ ասի, որ նման հանդիպումների և Պրեմիեր լիգայի մրցավեճերի միջև տարբերությունը հսկայական է։ Թերևս պետք է արագ գործել այդպիսի մակարդակի թիմերի դեմ խաղերում: Արագությունները տարբեր են, ինտենսիվությունը՝ նույնպես։ Ավելի արագ են նրանք կողմնորոշվում. որոշում կայացնելու ավելի քիչ ժամանակ ունես»,- Զախարյանի խոսքն է մեջբերում «Российская газета»-ն։