Ամերիկյան MLS լիգայի հերթական խաղում «Կոլամբուս Քրյուն» սեփական հարկի 0:2 հաշվով պարտվել է «Օռլանդո Սիթիին»: Տանտերերի կազմում ամբողջ հանդիպմանը մասնակցել է Հայաստանի հավաքականի փլեյմեյքեր Լուկաս Սելարայանը:
SofaScore-ը կրկին «Կոլամբուսի» կազմում ամենաբարձր գնահատականը շնորհել է Լուկասին՝ 8:
Սելարայանը 4 հարված է կատարել, 2-ը դարպասին է ընթացել, 2-ը՝ շեղ, որից 1-ը դիպել է դարպասաձողին:
Խաղի ամենաբարձր գնահատականն ստացել է «Օռլանդոյի» կենտրոնական պաշտպան Շլեգելը՝ 8,2:
«Կոլամբուսը» MLS-ում 7 խաղից հետո վաստակած 8 միավորով 18-րդն է: