Իտալիայի հավաքականի ու անգլիական «Չելսիի» կիսապաշտպան Ժորժինյոյի գործակալ Ժոաու Սանտուշը խոսել է ֆուտբոլիստի ապագայի մասին:
«Պայմանագրի ժամկետը երկարաձգելու վերաբերյալ «Չելսիի» հետ բանակցություններ դեռ չենք վարում: Հնարավոր է՝ առաջիկա ամիսներին բանակցություններն սկսվեն, բայց գործող պայմանագրի ժամկետը լրանում է 2023 թվականի ամռանը»,- Ֆաբրիցիո Ռոմանոն մեջբերում է գործակալի խոսքը:
Հիշեցնենք, որ Ժորժինյոն «Ոսկե գնդակի» հավակնորդների թվում էր և զբաղեցրեց 3-րդ հորիզոնականը՝ ետ մնալով միայն մրցանակի դափնեկիր Լիոնել Մեսիից ու 2-րդ տեղն զբաղեցրած Ռոբերտ Լևանդովսկիից: