«Ռեալի» գլխավոր մարզիչ Զինեդին Զիդանը հավատում է մադրիդյան ակումբի կիսապաշտպան Գարեթ Բեյլին և հույս ունի, որ հաջորդ հանդիպմանը ուելսցի ֆուտբոլիստը աչքի կընկնի:
«Մենք չենք կարող վերահսկել տրիբունաների սուլոցը, սակայն մեր ուժերի սահմաններում է ազդել խաղադաշտում տեղի ունեցող իրադարձությունների վրա: Եթե Գարեթը դուբլ խփի, ինչ-որ բան ասելու կարիք կլինի՞: Ցանկացած արդյունքը, բացի հաղթանակից, աղետ կլինի «Ռեալի» համար: Մենք չենք կարող «Բարսելոնային» զիջել 7 միավորով:
Այս հանդիպումը շատ կարևոր է լինելու, քանի որ 2 տնային հանդիպումները ավարտվել են ոչ-ոքիով: Սակայն չենք պատրաստվում փոխել մեր խաղը: Դա պարզապես մեր հերթական հանդիպումներից մեկն է, նույն 3 միավորը, իսկ մենք միշտ ձգտում ենք հաղթանակի»,-շեշտել է ֆրանսիացի մասնագետը:
«Ռեալ Սոսյեդադ»-«Ռեալ Մադրիդ» հանդիպումը կկայանա սեպտեմբերի 17-ին՝ 22:45-ին:
