Մադրիդի «Ռեալի» նախկին գլխավոր մարզիչ Զինեդին Զիդանը խոսել է «Արքայական ակումբի» առաջատար Կարիմ Բենզեմայի անցկացրած մրցաշրջանի մասին: Զիդանը կասկած չունի, որ այս տարի «Ոսկե գնդակը» պետք է շնորհել Կարիմին:
«Ավարտված մրցաշրջանում Բենզեման ինձ չի զարմացրել: Ես գիտեի, որ Կարիմը կարող է դա անել: Ամբողջ աշխարհն է ասում, որ Բենզեմային պետք է շնորհել «Ոսկե գնդակը»,- Զիզուի խոսքն է մեջբերում «Էկիպ»-ը:
Կարիմ Բենզեման 2021/2022 մրցաշրջանում «Ռեալի» կազմում բոլոր մրցաշարերում անցկացրած 46 խաղում խփել է 44 գոլ և կատարել 15 գոլային փոխանցում: Մադրիդցիները նվաճել են Իսպանիայի Սուպերգավաթն ու Լա լիգայի չեմպիոնական տիտղոսը, դարձել Չեմպիոնների լիգայի հաղթող: