3 գրանդ ակումբ թիրախավորել է Մադրիդի «Ռեալի» նախկին գլխավոր մարզիչ Զինեդին Զիդանին՝ տեղեկացնում է RMC Sport-ը:
Աղբյուրի հաղորդմամբ՝ Զիդանին գլխավոր մարզչի պաշտոնում դիտարկում են գերմանական «Բավարիան», ֆրանսիական ՊՍԺ-ն և իտալական «Յուվենտուսը»:
ՊՍԺ-ն ներկայումս մարզում է Մաուրիսիո Պոչետինոն, «Բավարիան»՝ Յուլիան Նագելսմանը, իսկ «Յուվենտուսը»՝ Մասիմիլիանո Ալեգրին:
Ավելի վաղ հաղորդվում էր, որ Զիզուն հրաժարվել է գլխավորել ՊՍԺ-ն, քանի որ մտադիր է աշխատել Ֆրանսիայի ազգային հավաքականում: Հաղորդվում է, որ Զինեդինը Ֆրանսիայի ընտրանին կարող է գլխավորել այս տարի կայանալիք աշխարհի առաջնությունից հետո:
49-ամյա ֆրանսիացի մասնագետը 2016-2018 և 2019-2021 թվականներին գլխավորել է Մադրիդի «Ռեալը», որի հետ նվաճել է 11 գավաթ: