Մադրիդի «Ռեալի» նախկին գլխավոր մարզիչ Զինեդին Զիդանը չի ծրագրում Ուլե Գունար Սուլշերի հեռացվելու դեպքում ընդունել «Մանչեսթեր Յունայթեդի» առաջարկը։
Ֆրանսիացի մասնագետը մոտակա ժամանակներս չի ծրագրում վերադառնալ աշխատանքի, քանի որ ցանկանում է հանգստանալ։ Այդ պատճառով Զիդանն անգամ չի դիտարկի «կարմիր սատանաների» առաջարկը։
Միայն երկու առաջարկ կարող է նրան համոզել՝ ՊՍԺ-ն ու Ֆրանսիայի ազգային հավաքականը։ Եթե Մաուրիսիո Պոչետինոն հեռանա ՊՍԺ-ից, ապա Զիդանը կդիտարկի փարիզյան ակումբում աշխատելու տարբերակը՝ հաղորդում է Mundo Deportivo-ն։
Զիդանը մայիսին է հեռացել «Ռեալի» գլխավոր մարզչի պաշտոնից։
