Մադրիդի «Ռեալի» գլխավոր մարզիչ Զինեդին Զիդանը խոսել է իր թիմի ցուցադրած խաղի մասին «Վիլյառեալից» կրած պարտությունից հետո։
Վե՞րջ բոլոր չեմպիոնական հույսերին․«Ռեալը» անսպասելիորեն պարտվում է «Վիլյառեալին» (տեսանյութ)
«Մենք ամեն հնարավոր բան արեցինք, շատ շանսեր ունեինք հաշիվը բացելու համար, բայց գնդակը չէր հայտնվում դարպասում։ Չեմ կարող բացատրել դա։ Սա վատ շրջան է մեզ համար, որը դեռ չի ավարտվել, իմ խաղացողների համար շատ բարդ է, բայց առջևում մեկ ուրիշ խաղ ունենք այս ամենի վերջը դնելու համար։
Մեզ ցավ է պատճառում այս պարտությունը, սակայն չենք պատրաստվում փոխել մեր մոտեցումը՝ առաջ ենք շարժվելու և պայքարելու։ Մենք «Ռեալ Մադրիդն» ենք, ֆուտբոլում դեռ կյանք, հույս կա, և լավ նորությունն այն է, որ ֆուտբոլում 3 օր անց մեկ ուրիշ խաղում հնարավորություն ես ստանում քեզ դրսևորելու։
Վերջին շրջանի արդյունքները մխիթարող չեն։ Բայց մենք կարող ենք փոխել իրավիճակը՝ հաղթելով խաղեր և դա անելով վստահ»,-ասել է Զիդանը։
