«Չելսիի» միանգամից երկու ֆուտբոլիստ կարող է տեղափոխվել «Բարսելոնա»՝ գրում է ESPN-ը:
Կատալոնական ակումբը հետաքրքրված է կիսապաշտպան Հաքիմ Զիեշի ու հարձակվող Տիմո Վերների ծառայություններով: «Բարսելոնայի» ղեկավարության համար առաջնային տարբերակ Ռահիմ Ստեռլինգն էր, սակայն անգլիացու տրանսֆերային արժեքն ստիպել է «կապտանռնագույններին» ետ քաշվել գործարքից:
Նշվում է, որ «Բարսելոնան» արդեն կապ է հաստատել «Չելսիի» հետ: Կատալոնական ակումբը ցանկանում է ձմռանը վարձակալել ֆուտբոլիստներին՝ տրանսֆերային իրավունքները պարտադիր գնելու տարբերակով:
Ընթացիկ մրցաշրջանում Վերները 11 խաղի է մասնակցել՝ դառնալով 2 գոլի և 1 գոլային փոխանցման հեղինակ, իսկ Զիեշը 12 խաղում խփել է 3 գնդակ, կատարել 3 գոլային փոխանցում:
