fbpx
Բաժիններ

This is Anfield. «Լիվերպուլի» ֆուտբոլային, ինչու ոչ՝ կյանքի դասը

Չեմպիոնների լիգայի այս խաղարկության կիսաեզրափակիչ «Լիվերպուլ» – «Բարսելոնա» խաղը գրվեց ֆուտբոլային պատմության էջերում: «Ստամբուլյան հրաշքն» իրագործած «մերսիսայդցիները» կրկին անհավանական «քամբեք» իրականացրին՝ այս անգամ երկխաղյա դիմակայությունում: Լիվերպուլցիների հաղթանակն իսկական ֆուտբոլային, ինչու ոչ՝ կյանքի դաս է բոլորի համար՝ երբեք ու երբեք չհանձնվելու և սեփական ուժերին անմնացորդ կերպով հավատալու մասին: Փորձենք հասկանալ կախարդական այս երեկոյի իրական պատճառները:

Մոգական «Էնֆիլդը»

Չկային Սալահն ու Ֆիրմինոն, բայց կար «Էնֆիլդը»՝ իր ողջ ուժով ու հմայքով: Չափազանցված չեն այս մարզադաշտի մասին լեգենդները: Այս մարզադաշտն, իրոք, մոգական է, և բոլորը դրանում երեկ համոզվեցին: Խաղադաշտ դուրս բերող ճանապարհին «This is Anfield» գրությունն անհավանական ուժ է հաղորդում «Լիվերպուլի» ֆուտբոլիստներին, իսկ տրիբունաներում հավաքված երկրպագուները ոչնչացնում են մրցակից թիմին: Նրանք չէին եկել պարզապես ֆուտբոլ դիտելու, նրանք 0:3 հաշվով պարտվելուց հետո եկել էին իսկական հավատով ու այն 90 րոպե փոխանցեցին ֆուտբոլիստներին: «You will never walk alone» երգն ամենաբարձրն էր հնչում խաղի ամենաթեժ պահին: Հենց այդ երգն էլ կամուրջ դարձավ «Լիվերպուլի» համար՝ դեպի Չեմպիոնների լիգայի եզրափակիչ: Սա երկրպագելու ու հավատի բացառիկ օրինակ է յուրաքանչյուր թիմի երկրպագուների համար: «Լիվերպուլն» ամենածանր պահերին, իսկապես, մենակ չի մնում:

Կլոպի հանճարը

«Լիվերպուլի» հաջողությունների, թերևս, գլխավոր հերոսը: Շատերը գերմանացի մասնագետին հաղթող չեն համարում՝ նշելով, որ մեծ եզրափակիչներում նա երբեք չի հաղթել: Բայց միթե հանճարեղ չէ Պիշչեկներով ու Գրոսկրոյցներով 2 անգամ Բունդեսլիգան նվաճելը, միթե հանճարեղ չէ այդ խաղացողներով Չեմպիոնների լիգայի եզրափակիչ հասնելը: Նույնը Կլոպը կրկնում է Անգլիայում: Գերմանացին իր «ռոքն-ռոլյան» ֆուտբոլն ու գեգենպրեսինգը ներարկել է «կարմիրների» երակներում, արդեն երկրորդ անգամ դուրս է գալիս Չեմպիոնների լիգայի եզրափակիչ անհավանական կերպով, Անգլիայի առաջնության այս մրցաշրջանում վաստակել է 94 միավոր՝ կրելով ընդամենը մեկ պարտություն:

Սխալվում են նաև այն մարդիկ, որոնք կարծում են, թե Կլոպը թույլ է մարտավարական առումով և ուժեղ է միայն նրա հոգեբանական կողմը: «Բարսելոնային» հաղթելու Կլոպի տակտիկան սկսեց դեռ նախախաղային մամուլի ասուլիսից, երբ գերմանացին ասաց. «Գուցե մենք դուրս մնանք մրցաշարից, բայց թող դուրս մնանք գեղեցիկ խաղով»: Կլոպը, ակնհայտորեն, դուրս չէր եկել՝ գեղեցիկ ֆուտբոլ ցուցադրելու, Կլոպի նպատակը հաղթելն էր, որին նա հասավ ճշգրիտ մարտավարությամբ: Երբ առաջին արտագնա խաղում պարտվել ես 0:3 հաշվով, սեփական հարկի տակ պարտավոր ես խաղալ կատարյալ և անթերի պաշտպանությունում՝ գոլ բաց չթողնելու և հարձակման գծում՝ գոնե 3 գոլ խփելու համար՝ և այն դեպքում, երբ մրցակցիդ կազմում խաղում է Մեսին, իսկ թիմիդ հարձակման գլխավոր ուժերից 2-ը բացակայում են: Կլոպը արեց դա ու շարունակեց դա անել՝ խաղի ընթացքում ստանալով հերթական հարվածը՝ խաղադաշտում այդ պահին լավագույններից Ռոբերտսոնի վնասվածքից հետո էլ: Գերմանացին կարողանում է հղկել ու ավելի լավը դարձնել Դիվոկ Օրիջիի, Տրենտ Ալեքսանդր-Առնոլդի, Ջորջինիո Վեյնալդումի ու Ժոել Մատիպի նման ֆուտբոլիստներին:

Ավելորդ է նշել հոգեբանական գործոնը՝ թե ինչպես էր Կլոպը համոզել բոլորին, որ կարող են ու պետք է հաղթեն «Բարսելոնային»: Այդպես կարող են միայն հանճարները և հաղթողները:

Մեսին կրկին անհետացավ ամենակարևոր խաղում

«Բավարիայի» դեմ՝ Մյունխենում, «Յուվենտուսի» դեմ՝ Թուրինում, «Ռոմայի» դեմ՝ Հռոմում: Մեսիի սև ու մղձավանջային խաղերի այս շարքին ավելանում է նաև «Լիվերպուլի» դեմ կայացած խաղն «Էնֆիլդում»: Եվս մեկ կարևորագույն խաղի Մեսին չի կարողանում ոչինչ անել, երբ մրցակիցն «ուտում» է «Բարսելոնային»: Իհարկե, Բարսելոնայում կայացած առաջին խաղում Մեսին «արեց իրենը»՝ դուբլով ու ֆանտաստիկ տուգանային հարվածով: Մեսիի տաղանդն անժխտելի է, նրա՝ գնդակը զգալու կարողությունը՝ բացառիկ, բայց ճակատագրական պահին «հայտնվելն» արգենտինացու մոտ հերթական անգամ չի ստացվում:

Ահա այսպիսին էր Մեսիի ֆուտբոլային քարտեզը: Եթե խոսենք թվերով, ապա Լեոն կատարել է ընդամենը 35 ճիշտ փոխանցում, ինչը ցածր արդյունք է նրա համար: Մեսին նաև կորցրել է 17 գնդակ՝ խլելով ընդամենը 2-ը: Մեսիի հանդեպ խաղի կանոնները խախտել են ընդամենը 1 անգամ, ինչը ևս ապացուցում է, որ արգենտինացին չի կարողացել շատ վտանգավոր լինել «Լիվերպուլի» պաշտպանության համար:

Ինչ վերաբերում է գոլերին, ապա Մեսին Չեմպիոնների լիգայի կիսաեզրափակիչում արտագնա խաղում չի կարողանում գոլի հեղինակ դառնալ 2010/11 մրցաշրջանից ի վեր:

Իշխան Մելքոնյան

Միացի՛ր հայկական ամենասպորտային Instagram-ին:


Պույոլ․ «Ֆուտբոլիստը, որ իր մասին հոգ է տանում այնպես, ինչպես Լեոն, կարող է խաղալ մինչև 38 տարեկան»

Կաֆու․ «Ալեքսանդր-Առնոլդը կարող է նվաճել «Ոսկե գնդակը»

Մանե․ «Մեր նպատակն ամենասկզբից էլ եղել է Պրեմիեր լիգայում չեմպիոնություն նվաճելը»

Մեսին վերջին 6 տարում առաջին անգամ գոլ չի խփել Լա Լիգայի 4 անընդմեջ խաղում

«Բարսելոնան» դեռ չի ստացել նոր հարձակվողի հրավիրելու թույլտվություն

Տեր Շտեգենը «Խետաֆեի» դեմ խաղին 69 փոխանցում է կատարել

5 հաղթանակ, ու «Լիվերպուլը» Պրեմիեր լիգայի չեմպիոն է

«Լիվերպուլը» հաղթեց «Նորվիչին» արտագնա խաղում (տեսանյութ)

«Բարսելոնան» հաստատել է Ալբայի վնասվածքը

«Բարսելոնան» դժվարին խաղում հաղթեց «Խետաֆեին» (տեսանյութ)

Մեսին ֆանտաստիկ գոլային փոխանցում է կատարել (տեսանյութ)

«Բարսելոնայի» մեկնարկային կազմը «Խետաֆեի» դեմ խաղում

Չեմպիոնների լիգայի գլխավոր ֆավորիտը՝ ըստ Յուրգեն Կլոպի

«Ինտերը» «Բարսելոնայի» աստղին է պահանջում Լաուտարո Մարտինեսի դիմաց

Սետյեն. «Մենք, ինչպես «Ռեալը», Լա լիգան հաղթելու ֆավորիտներից ենք»

Կլոպ․ «Կարիերայիս 80%-ը ցավերով եմ խաղացել․ դա ոչ ոք հաշվի չէր առնում, քանի որ ես, միևնույնն է, վատ էի խաղում»