«Տիխիում աղմուկի փոխարեն լռություն էր». Հայաստան-Վրաստան խաղում հայ ֆուտբոլիստների գնահատականները - VNews
Բաժիններ

«Տիխիում աղմուկի փոխարեն լռություն էր». Հայաստան-Վրաստան խաղում հայ ֆուտբոլիստների գնահատականները

Հայաստանի ազգային հավաքականը չկարողացավ պարտության մատնել Վրաստանի ընտրանուն: Մոտիվացիայի պակաս տղաները չունեին: Եթե դրան գումարեինք, որ մեր հարևանները Լեհաստան էին ժամանել ոչ մարտական կազմով, իսկ մենք կազմի հետ կապված խնդիր գրեթե չունեինք՝ Տիխիում կայանալիք հանդիպումից առաջ ակնհայտ ֆավորիտ էինք: Ոսւտի՝ վաստակած 1 միավորը կարելի է համարել կորուստ, և ոչ թե ձեռքբերում, թեպետ խաղի ընթացքը թույլ է տալիս հակադրվել այս մտքի հետ:

Հավաքականի ֆուտբոլիստների մեծամասնությունը հերթական անգամ ցույց տվեցին նախանձելի աշխատասիրություն, սակայն դա բավական չէ՝ արդյունքի հասնելու համար: Այս անգամ գնահատակնների տեսանկյունից մի փոքր խիստ ենք գտնվել՝ հաշվի առնելով իրավիճակն ու մրցակցին:

Դավիթ Յուրչենկո – 6

Հայաստանի հավաքականի հիմնական դարպասապահն այս պահին իր լավագույն խաղը չէ, որ ցուցադրում է: Նրանից ակնկալիքները շատ մեծ են: Արդեն քանի տարի է՝ Ռոման Բերեզովսկու հեռանալուց հետո ՀՖՖ-ն ակտիվորեն նոր դարպասապահ է փնտրում: Արսեն Բեգլարյան, Արամ Հայրապետյան, Անատոլի Այվազով, Արման և Գրիգոր Մելիքսեթյաններ, Գևորգ Կասպարով..: Յուրչենկոյի՝ հավաքականի հրավերն ընդունելու հանգամանքն ընդունվեց ֆանֆարներով:

Ճիշտ է, Վրաստանի հետ խաղի ժամանակ նա մի քանի լավ սեյվ արեց, սակայն միևնույն ժամանակ թույլ տվեց մի շարք սխալներ: Առաջին գոլը ընդունեցինք նրա մեղքով: Առաջին կեսում դեռ մենք մոտ էինք գոլ ընդունելուն, սակայն նրա սխալից օգտված վրացի ֆուտբոլիստի հարվածից հետո գնդակը դիպավ դարպասաձողին:

Հետևություն. Եթե պետք է ընդունենք այնպիսի գնդակներ, ինչպիսին Յուրչենկոն ընդունեց, ուրեմն ավելի լավ է դա անեն տեղացի տղաները: Ի՞նչ տարբերություն:

Անդրե Չալըշըր – 6

Երբ Անդրե Չալըշըրը մարզավիճակ է հավաքում, մեր ընտրանու կազմում անփոխարինելի է դառնում: Նրա գործակցությունը Հարոյանի հետ դառնում է 100 տոկոս արդյունավետ: Սակայն վերջին շրջանում Չալըշըրի խաղում նկատվում է զգալի անկում:

Վրաստանի հետ խաղում նա ավելի անհաջող խաղաց, քան ավելի վաղ հյուսիս-մակեդոնացիների ու Էստոնիայի հետ: Գրեթե բոլոր միկրոմենամարտերում մրցակիցը հայտնվում էր նրա թիկունքում: Գոլերի ժամանակ էլ նա ակտիվ չէր: Նա անկասկած, կարող է ավելի լավ խաղալ:

Վարազդատ Հարոյան – 6.5

Իրականում Վարազդատ Հարոյանն ու Անդրե Չալըշըրը միմյանց փոխլրացնում են: Եթե Անդրեն վատ է խաղում, նույնքան անհաջող է հանդես գալիս նաև Հարոյանը: Եթե Անդրեն լավ է խաղում, նույնքան լավ՝ Հարոյանը: Այս անգամ առաջին տարբերակն էր:

Որպես այդպիսին՝ Վարազդատը Չալըշըրից լավը չէր: Նրա միակ առավելությունը երկրորդ հարկում հաջող խաղն էր: Սակայն դեռևս առաջին կեսում Հարոյանն ուղիղ տեղը խախտեց կանոնները մրցակցի հետ պայքարում, ստացավ դեղին: Հիմա մեր պաշտպանը ստիպված բաց է թողնելու Էստոնիայի հետ արտագնա հանդիպումը և ծանր կացության մեջ է դնում Խոակին Կապառոսին:

Արման Հովհաննիսյան – 7.5

Ամենապատվախնդիր խաղացողներից մեկը դաշտում Արման Հովհաննիսյանն էր: Նոմինալ աջ պաշտպանն առաջին կեսում գերազանց էր փակում Հովհաննես Համբարձումյանի բացակայությամբ բաց մնացած ձախ պաշտպանի դիրքը: Հիմնականում Արմանը կատարում էր պաշտպանողական գործողություններ, բայց երբեմն գրոհում էր:

Ղազախական «Տոբոլի» ֆուտբոլիստը երկրորդ կեսում ևս խաղաց նույն ոգով, սակայն խաղավերջում արդեն զգացնել էր տալիս հոգնածությունը: Բայց, ի պատիվ Արմանի, պետք է նշել, որ նա բավական ձիգ հանդիպում անցկացրեց:

Կամո Հովհաննիսյան – 6.5

Վաղուց չէինք տեսել այսքան պասիվ Կամո Հովհաննիսյան: Իհարկե, ստեղծված հանգամանքները չէին կարող չազդել առողջ դատողություն ունեցող ֆուտբոլիստի վրա: Կամոն այս անգամ խաղում էր իր սիրելի (երևի) դիրքում՝ աջ պաշտպանի գոտում: Սակայն նրա արագացումները նույնքան քիչ էին, որքան մեր ընտրանու սուր գրոհներն ամբողջ խաղի ընթացքում:

Երկրորդ կեսում Կամոն շարունակեց նույն ոգով: Տպավորություն էր, որ վրացիներն ավելի լավ էին ուսումնասիրել մեր խաղն ու Կամոյին մասնավորապես, քան իտալացիները, որոնք մեր պաշտպանին տվել էին լիակատար ազատություն: Վերջնամասում Կապառոսը Կամոյին փոխարինեց: Առաջին հայացքից՝ որոշումը տարօրինակ էր, սակայն հաշվի առնելով Հովհաննիսյանի խաղը, գուցե և տրամաբանության մեջ կարող է մտնել:

Վբեյմար – 6

Armenia - Estonia

Հենակետային գոտին այս անգամ չափից շատ էր անջատված ամբողջ թիմից: Նրանք ոչ պաշտպանների հետ փակվում էին, ոչ էլ պաշտպանությունից դուրս գալիս ինչ-որ օգուտ էին բերում: Վբեյմարի ուժեղ կողմերից մեկը հենց դա է՝ գրոհելու ընթացքում նա մի կողմ է դնում «քլունգն» ու ձեռքն է վերցնում վրձինն ու անհրաժեշտության դեպքում՝ թնդանոթը:

Վրացիների հետ խաղում Վբեյմարը լրիվ ձեռնունայն էր: Մրցակիցը անարգել գրոհում էր նրա կողքով, արժանի պատասխան չկար: Զգացվում էր, որ խոտածածկը լավը չէ և խանգարում է Վբեյմարին, սակայն հենակետային կիսապաշտպանի համար չպետք է լինի տարբերություն. Նա պետք է մրցակցի գրոհները ջարդի-փշրի: Նման բան նրա գործողություններում չտեսանք:

Արտակ Գրիգորյան – 6.5

Հայաստանի հավաքականի վետերաններից մեկն անհամեմատ ավելի ուղիղ հանդիպում անցկացրեց, քան իր թիմակից Վբեյմարը: Որպես ամբողջություն, որպես հենակետայինների զույգ՝ իհարկե կան բազմաթիվ հարցեր. Նրանք այս խաղում միմյանց չփոխլրացրին: Սակայն անհատապես Գրիգորյանը մի գլուխ բարձր էր Վբեյմարից:

Ասել, որ Արտակը տեխնիկապես ավելի լավ է պատրաստված կամ ավելի արագաշարժ է քան Վբեյմարը, սխալ կլինի: Սակայն կոնկրետ այս խաղում Արտակն ավելի լավն էր բոլոր առումներով: Բայց սխալներ ևս կային: Ուստի՝ 6.5 միայն:

Հենրիխ Մխիթարյան – 6

Որքան էլ որ ցավալի է, բայց Հենրիխ Մխիթարյանն այս անգամ իր լավագույն հանդիպումը չանցկացրեց: Ու առհասարակ՝ վերջին շրջանում նա լավագույն ֆուտբոլը չէ, որ ցույց է տալիս ինչպես ակումբային, այնպես էլ ազգային թիմի մակարդակով: Ակնհայտ է, որ նրա ուղեղն այս պահին զբաղված է սահմանին ընթացող իրադարձություններով:

Գրեթե բոլոր միկրոմենամարտերում Մխիթարյանը պարտվեց, դրիբլինգում թույլ տվեց աններելի չափի սխալներ: Այո, նրա կարգն անգամ այս պարագայում տարբերվում է բոլորից, սակայն եթե վերջին խաղում այդ կարգը զգացնել էր տալիս, այս անգամ մենք դա չտեսանք: Հուսանք՝ Էստոնիայի հետ մենք կտեսնենք սովորական Միկիին:

Տիգրան Բարսեղյան – 7

Ինչպես միշտ, Բարսեղյանն ակտիվ էր: Այս անգամ Կապառոսը նրան տեղավորել էր ձախ թևում: Ամենայն հավանականությամբ, այս հնարքը վրացիներին ապակողմնորոշելու համար էր: Այդպես էլ եղավ: Սկզբում մրցակիցը չէր հասկանում՝ ով որտեղ է: Քանի չէր հասկանում՝ գոլ ընդունեց: Բայց հետո Բարսեղյանը մնաց նույն՝ ձախ վինգերի դիրքում:

Ակնհայտ էր, որ երիտասարդ հարձակվողի համար դիրքն անսովոր էր: Բարսեղյանը երբեք բարձրից փոխանցումներ կատարելու սիրահար չի եղել: Նա ավելի շատ գերադասում է աջ կողմից գնալ կենտրոն ու ֆանտաստիկ ուժեղ հարված իրացնել: Ձախից նրա գործողությունները սահմանափակ էին:

Խորեն Բայրամյան – 8

Ի տարբերություն առաջին երկու խաղերի՝ Բայրամյանն այս անգամ անհամեմատ ավելի լավն էր: «Ռոստովի» ֆուտբոլիստը սխալների ուղղում է արել ու հասկացել իր թերությունները: Հյուսիս-մակեդոնացիների հետ խաղում Խորենը խաղում էր ձախից ու գրեթե միշտ նահանջելիս գնում էր կենտրոն: Այս անգամ նման տենդենց չէր նկատվում:

Նախ Խորենը դարձավ գոլի հեղինակ, ընդ որում՝ աշխատած: Նա գիտեր՝ գրոհի պահին որտեղ կանգնել և ինչ անել: Բարսեղյանի հարվածից հետո կարող էր նաև դուբլ ձևակերպել, բայց գնդակին չհասավ: Երկրորդ կեսում Կապառոսը նրան իջեցրեց ու դարձրեց նաև աջ պաշտպան, ինչը ևս արդարացվեց:

Ալեքսանդր Կարապետյան – 6

Հայկական ֆուտբոի Քոնոր Մակգրեգորի համար լավագույն խաղը չէր: Կարելի է ասել՝ վատագույններից էր: Ամբողջ խաղի ընթացքում Կարապետյանը միայն մեկ իրական գոլային պահ է ունեցել, այն էլ նրա հարվածից հետո գնդակը շեղ է անցել:

Ընտրական խմբի առաջին երկու խաղերում Կարապետյանն ավելի կպչուն էր խաղում: Սկոպյեում նա մի քանի պահ ունեցավ, էստոնացիների հետ երևանյան խաղում էլ հրաշալի գոլ խփեց: Այս անգամ նա հեռու էր այդ ամենից: Այլընտրանք ունենալու դեպքում Կապառոսը Կարապետյանին կփոխարիներ արդեն ընդմիջմանը:

Յուրի Գարեգինյան – 6

Գարեգինյանին գնահատական տալն այս պարագայում այդքան էլ ճիշտ չէ: Նրա գործողությունները բարդ է գնահատել: Սկզբում նկատվում էր լարվածություն, խոտանը շատ էր, սակայն ժամանաակի ընթացքում նորամուտը նշած ֆուտբոլիստն իրեն շտկեց. քիչ էր մնում նախագոլային փոխանցում կատարեր:

Էդգար Բաբայան – 6.5

Բաբայանը Մխիթարյանի պես դաշտում տարբերություն ստեղծող ֆուտբոլիստ է: Նրա խաղը աչք է զառնում: Սակայն այս անգամ նա դաշտ դուրս եկավ անհասկանալի դիրքում: Կեղծ «9» համարի տակտիկան բացարձակ չաշխատեց ու Կապառոսը հրաժարվեց այդ մտքից ու Բաբայանին ուղարկեց աջ եզր: Կար ակտիվություն, սակայն մրցակիցը լավ էր պաշտպանվում ու թույլ չէր տալիս Բաբայանին ակտիվ լինել:

Գեղամ Կադիմյան – 7

Գեղամ Կադիմյանը դուրս եկավ դաշտ Կամո Հովհաննիսյանի տեղն ու սկսեց խաղալ աջ թևում: Առհասարակ Կապառոսի փոփոխությունները մի տեսակ անհականալի էին: Աջից խաղացող Բաբայանի ու ձախից գրոհող Տիգրան Բարսեղյանի հետ ևս մեկ եզրային ֆուտբոլիստ դաշտում ունենալն այդքան էլ հեշտ բացատրելի որոշում չէ: Մանավանդ, երբ պարզ էր, որ Բաբայանը չի կարողանում կեղծ «9» համար խաղալ: Բայց Կադիմյանն իր գործը արեց ու 11 մետրանոց վաստակեց մեր թիմի համար:

Վահան Բիչախչյան – չկա գնահատական

Վահան Բիչախչյանը դաշտում անցկացրեց ընդամենը 3-4 րոպե: Այդ ընթացքում կարող էր հերոսանալ, սակայն Մխիթարյանի փոխանցումն ուշացավ ու կատարվեց այն պահին, երբ գյումրեցի ֆուտբոլիստը որոշեց թողնել գրոհելը:

 

Հայաստանի հավաքականի վերջին նորությունները

Միացի՛ր հայկական ամենասպորտային Instagram-ին:


Տիգրան Բարսեղյան. «Գոլերս նվիրել եմ հայրենակիցներիս»

«Միլան» – «Ռոմա». Մեկնարկային կազմեր

Տիգրան Բարսեղյանի դուբլը նպաստել է «Աստանայի»՝ խոշոր հաշվով հաղթանակին (տեսանյութ)

Հայաստան-Քուվեյթ հանդիպումը չի կայանա

«Ռոման» վերջին մարզումն է անցկացրել «Միլանի» դեմ արտագնա խաղից առաջ (լուսանկարներ)

Ֆոնսեկան Մխիթարյանին նշել է թիմի տուգանայինների հիմնական իրացնողների թվում

«Ռոմայի» հայտացուցակը «Միլանի» դեմ մրցավեճի համար

Վահան Բիչախչյանը գոլային փոխանցումը «Ռուզոմբերոկի» դեմ խաղում (տեսանյութ)

Էդգար Բաբայանը կրկին գոլի հեղինակ է դարձել «Հոբրոյի» կազմում

Խաղաղության կոչ աշխարհին՝ արցախցի երեխաներից. Մխիթարյանը տեսանյութ է հրապարակել

Կառլո Պելեգատի. «Ինձ շատ դուր է գալիս Մխիթարյանի խաղը»

«Ռոման» սկսել է նախապատրաստվել Ա սերիայի առաջատարի՝ «Միլանի» դեմ հանդիպմանը (լուսանկարներ)

Մխիթարյանի և Կումբուլայի կառուցած գոլային գրոհը՝ համակարգչային գրաֆիկայի միջոցով (տեսանյութ)

Մխիթարյանի գնահատականները՝ «Յանգ Բոյսի» դեմ խաղում

«Ռոման» հաղթեց, Մխիթարյանը՝ գոլային փոխանցման հեղինակ, մյուս արդյունքները (տեսանյութ)

Մխիթարյանը փոխարինման մտավ ու 15 րոպե անց դարձավ գոլային փոխանցման հեղինակ (տեսանյութ)