fbpx
Բաժիններ

Թիմային ռեկորդների բարելավումն էլ չնպաստեց մրցանակակիր դառնալուն

«Ալաշկերտի» ելույթների ամփոփումը՝ 10 փաստով

VNews.am-ը շարունակում է ՀՀ 27-րդ առաջնությունում թիմերի ելույթների ամփոփումը՝  անդրադառնալով  «Ալաշկերտին»:

1. Հայաստանի եռակի չեմպիոնը վերջին 4 մրցաշրջաններում առաջին անգամ մնաց առանց առաջնության պարգևների՝ 32 հանդիպումներում վաստակած 51 միավորով (+15=6-11, 37-27) զբաղեցնելով 4-րդ հորիզոնականը: «Ալաշկերտը» վաստակեց հնարավոր միավորների 53,1 տոկոսը:

Համեմատության համար նշենք, որ նախորդ՝ չեմպիոնական մրցաշրջանում «Ալաշկերտը»  վաստակել էր հնարավոր միավորների 55,5 տոկոսը (+14=8-8, 44-31):

«Ալաշկերտն» անհավասարաչափ ելույթներ ունեցավ առաջնությունում: Աշնանային հատվածը թիմն ավարտեց առաջին հորիզոնականում՝ 17 հանդիպումներում վաստակելով 33 միավոր (+10=3-4, 20-10), ինչը հնարավոր միավորների 64,7 տոկոսն է: «Ալաշկերտը» 4 միավորով գերազանցում էր 2-րդ տեղում ընթացող «Բանանցին»:

Իսկ ահա առաջնության գարնանային հատվածում ալաշկերտցիները վաստակեցին հնարավոր միավորների ընդամենը 40 տոկոսը՝ 15 հանդիպումներում վաստակելով 18 միավոր (+5=3-7, 17-17):

2. Մարզչական փոփոխությունների քանակով «Ալաշկերտն» իր պատմության մեջ յուրօրինակ ռեկորդ սահմանեց՝ գերազանցելով 2016/17թթ. առաջնության ցուցանիշը, երբ գլխավոր մարզչի պարտականությունները կատարել էին 4 մարզիչներ:

Միայն 2015/16թթ. առաջնությունում «Ալաշկերտում» մարզչական փոփոխություն չի կատարվել: Այդ մրցաշրջանում ալաշկերտցիներն Աբրահամ Խաշմանյանի գլխավորությամբ առաջին անգամ չեմպիոն էին հռչակվել: Բարձրագույն խմբում անցկացրած 6 մրցաշրջանների ընթացքում ալաշկերտցիների գործողությունները ղեկավարել են 10 մարզիչներ, այդ թվում նաև ակումբի սեփականատեր Բագրատ Նավոյանը:

27-րդ առաջնությունում «Ալաշկերտի» գլխավոր մարզչի պարտականությունները կատարեցին 5 մարզիչներ: Մեկնարկային 7 հանդիպումներում թիմի ղեկին Վարուժան Սուքիասյանն էր, որը գլխավոր մարզչի պաշտոնը ստանձնել էր նախորդ առաջնության 21-րդ տուրից՝ փոխարինելով Աբրահամ Խաշմանյանին: Սուքիասյանի օրոք «Ալաշկերտը»  վաստակեց 10 միավոր (+3=1-3, 10-6), ինչը հնարավոր միավորների 47,6 տոկոսն է: 8-րդ տուրում «Լոռիի» հետ խաղում (2-1) գլխավոր մարզչի պարտականությունները կատարում էր Սերգեյ Էրզրումյանը:

Հաջորդ 15 խաղերը «Ալաշկերտն»  անցկացրեց Արամ Ոսկանյանի գլխավորությամբ՝ վաստակելով հնարավոր միավորների 60 տոկոսը (+8=3-4, 15-11): 24-րդ տուրում «Լոռիի» հետ խաղում (0-1) գլխավոր մարզչի պարտականությունները կատարում էր Արմեն Ադամյանը, իսկ առաջնության ավարտական 8 խաղերն «Ալաշկերտն» անցկացրեց Աբրահամ Խաշմանյանի գլխավորությամբ՝ վաստակելով հնարավոր միավորների 45,8 տոկոսը (+3=2-3, 10-8):

3. Ինչպես նախորդ 2 մրցաշրջաններում, այս անգամ էլ «Ալաշկերտն» առավել հաջող հանդես եկավ 2-րդ շրջանում` Արամ Ոսկանյանի գլխավորությամբ 8 հանդիպումներում վաստակելով 20 միավոր (+6=2-0, 8-2), ինչը հնարավոր միավորների 83,3 տոկոսն է: Իսկ ահա 3-րդ շրջանում թիմի խաղում կտրուկ անկում գրանցվեց, որի արդյունքում ալաշկերտցիներն ընդամենը 7 միավոր վաստակեցին (+2=1-5, 7-10), ինչը հնարավոր միավորների 29,1 տոկոսն է:

1-ին շրջանում «Ալաշկերտի» օգտին 13 միավոր էր գրանցված (+4=1-3, 12-7), ինչը հնարավոր միավորների 54,1 տոկոսն է: Իսկ 4-րդ շրջանում Աբրահամ Խաշմանյանի գլխավորությամբ ալաշկերտցիները 11 միավոր վաստակեցին (+3=2-3, 10-8), ինչը հնարավոր միավորների 45,8 տոկոսն է:

«Ալաշկերտն» ավելի հաջող հանդես եկավ սեփական դաշտում՝ անցկացրած 16 հանդիպումներում վաստակելով հնարավոր միավորների 64,5 տոկոսը (+10=1-5, 23-12): Դա լավագույն արդյունքն է առաջնության մասնակիցների մեջ: Սեփական հարկի տակ ալաշկերտցիները պարտվել են «Արարատ-Արմենիային» (1-3, 0-1), «Փյունիկին» (1-2, 1-2) և «Լոռիին» (0-1):

Հյուրընկալվելիս անցկացրած 16 հանդիպումներում «Ալաշկերտի» օգտին գրանցվեց 20 միավոր (+5=5-6, 14-15), ինչը հնարավոր միավորների 41,6 տոկոսն է: Մրցակցի հարկի տակ ալաշկերտցիները հաղթել են «Արարատին» (1-0), «Գանձասար Կապանին»  (1-0, 4-2),  «Փյունիկին» (1-0) և «Արարատ-Արմենիային» (1-0):

Առավել հաջող «Ալաշկերտը»  խաղաց «Գանձասար Կապանի»  դեմ՝ շահելով բոլոր 4 հանդիպումներն էլ: Իսկ ահա «Փյունիկի»  և «Արարատ-Արմենիայի» հետ հանդիպումներում ալաշկերտցիների օգտին ընդամենը 3-ական միավոր գրանցվեց:

Հետևե՛ք VNews.am-ին նաև Youtube-ում և Instagram-ում:

1 2 3

Բարձրագույն խմբի 7-րդ տուրի խորհրդանշական հավաքականը և լավագույն ֆուտբոլիստը

Ընդամենը 1 խաղ, և Արամ Բարեղամյանը կդառնա «Ուրարտուի» ռեկորդակիրը

Արմեն Ադամյան․ «Տղաները շատ ուժեղ ֆուտբոլ խաղացին» (տեսանյութ)

Վլադ Գոիանը՝ «Երևանը» գլխավորելու մասին․ «Միշտ ցանկացել եմ աշխատել արտասահմանում» (տեսանյութ)

Ինչպես «Ալաշկերտը» «խորտակեց» «Երևանին»․ VNews-ի ֆոտոշարքը

«Ալաշկերտը» ջախջախեց «Երևանին», «Լոռին» կամային հաղթանակ տոնեց «Ուրարտուի» նկատմամբ (տեսանյութ)

«Լոռի» – «Բանանց», «Ալաշկերտ» – «Երևան». Մեկնարկային կազմեր, ուղիղ հեռարձակում

Ինտրիգներով լի արարատյան դերբին՝ չեմպիոնի և առաջատարի միջև․ Ամենաուշագրավ փաստերը՝ ԲԽ-ի 7-րդ տուրին ընդառաջ

Բարձրագույն խմբի 6-րդ տուրի խորհրդանշական հավաքականը և լավագույն ֆուտբոլիստը

«Արարատն» անորսալի է, «Գանձասար-Կապանն» էլ չի գտնում «Շիրակին» հաղթելու բանաձևը

«Ալաշկերտը» տպավորեց, «Փյունիկը»՝ հիասթափեցրեց․ VNews-ի ֆոտոշարքը գավաթակրի ու փոխչեմպիոնի խաղից

Տարխանով. «Մեր թիմը այսօր չխաղաց» (տեսանյութ)

Արմեն Ադամյան. «Ինչպես ասում են՝ ինչ մտածել էինք, այն էլ ստացվեց» (տեսանյութ)

«Ալաշկերտը» ջախջախեց «Փյունիկին», չեմպիոնը առաջին միավորները կորցրեց (տեսանյութ)

«Փյունիկ» – «Ալաշկերտ». Մեկնարկային կազմեր, ուղիղ եթեր

Կարող է կայանալ Արաս Օզբիլիսի նորամուտը․ Ամենաուշագրավ փաստերը՝ ԲԽ-ի 6-րդ տուրին ընդառաջ