fbpx
Բաժիններ

TOP – 5. Շաբաթվա կարևորագույն իրադարձությունները

Levon Aronyan

«Վիվառո նյուզը»  ներկայացնում է «TOP-5» նոր շարքը: 5 կարևոր ու հետաքրքիր իրադարձություն հայկական սպորտային կյանքում: Ամեն երկուշաբթի ամփոփում ենք նախորդ շաբաթը:  

Լևոն Արոնյանի սկանդալային հաղթանակը

Նախորդ շաբաթ Մոսկվայում Հավակնորդների մրցաշարում կրքերը թեժացան: Լևոն Արոնյանն անընդմեջ ոչ-ոքիներից հետո իր օգտին գրանցեց 2-րդ հաղթանակը. աղմկալից հաղթանակը:

74-րդ քայլում Նակամուրան վերցրեց արքան, բայց հասկանալով, որ քայլը պարտության կտանի, անմիջապես մտափոխվեց և հետ կանգնեց, որը սակայն Արոնյանը չհանդուրժեց:

Շախմատային կոդեքսի պահանջը պետք է կատարվեր, եթե վերցրել ես խաղաքարը, ապա պարտավոր ես քայլ անել: Սա հենց այն էր, ինչ պահանջեց Արոնյանը: Անգամ մրցավարական միջամտություն եղավ և Հիկարու Նակամուրան կարճ ժամանակ անց ընդունեց, բայց չհաշտվեց իր պարտության հետ: Ընդ որում, թույլ տվեց իր հաջորդ սխալը՝ չներկայացավ պարտիայից հետո պարտադիր մեկնաբանմանը:

Սա նույնպես հակասում է կանոնագրին, որի համար Նակամուրան  ստիպված է լինելու իր  մրցանակային գումարի 5% տալ մրցաշարի կազմկոմիտեին, 5% էլ՝ միջազգային ֆեդերացիային:

Հաղթանակը  Լևոն Արոնյանին մեծ առավելություն տվեց: Այսպիսով, 6-րդ տուրից հետո Արոնյանը և ռուս Սերգեյ Կարյակինը 4 միավորով գլխավորեցին մրցաշարային աղյուսակը:

Հավակնորդների մրցաշարի 1-ին շրջանը ավարտվեց: 2-րդն արդեն սկսվել է: Աշխարհի 8 ուժեղագույնները կրկին կպայքարեն գործող աշխարհի չեմպիոնի արժանի մրցակիցը դառնալու համար:

 Ռիգա 2016. Չեմպիոնների վերադարձը

Մարտի 14-ին Զվարթնոց օդանավակայանը լեփ լեցուն էր բազմաթիվ երկրպագուներով: Եվրոպայի նորաթուխ չեմպիոն Վարշամ Բորանյանին ու ըմբշամարտի հավաքականին ջերմ ընդունելություն էր սպասվում: Շաբաթը սկսվեց հաղթական վերադարձով:

Ռիգայից ըմբշամարտի Եվրոպայի առաջնությունից մեր մարզիկները 1 ոսկե, 2 արծաթե ու 1 բրոնզե մեդալներով վերադարձան: Վարշամ Բորանյանը (71 կգ) Եվրոպայի չեմպիոնն է,  արծաթե մեդալակիրներն են  Արթուր Ալեքսանյանը (98 կգ) և Ռոման Ամոյանը (59 կգ), բրոնզի էլ արժանացավ Կարապետ Չալյանը (75 կգ):

Ի տարբերություն հունահռոմեականի՝ ազատ ոճի  ըմբշամարտիկները վերադարձան ձեռնունայն: Այս անգամ այնքան էլ գոհացնող չէին արդյունքները: Արդյունքը գոհացնող չէր նաև Արթուր Ալեքսանյանի արծաթի դեպքում: Մրցավարական կողմնակալությու՞նն էր թե ա՞յլ էր պատճառը: Խոսվեց ու քննարկվեց նախորդ շաբաթվա ընթացքում:

Առաջնության ընդհանուր հաշվարկով Հայաստանի ըմբշամարտի հավաքականը  Եվրոպայում 42 միավորով 2-րդ տեղում է Ռուսաստանի հավաքականից հետո՝ 48 միավոր: Եռյակն էլ եզրափակում է Ադրբեջանի հավաքականը:

 Varsham Boranyan

Գուրգեն Հովհաննիսյանի արծաթե մեդալը

Մարտի 15-ին ռուսական Անապայում ավարտվեց Նիկոլայ Պավլյուկովի բռնցքամարտի երիտասարդական հուշամրցաշար:

Հայաստանից 8 երիտասարդ բռնցքամարտիկ էր մասնակցում այս մրցաշարին: Գերծանր քաշային կարգում Գուրգեն Հովհաննիսյանը արծաթե մեդալ նվաճեց:

Գուրգենը իր առաջին մենամարտում՝ քառորդ եզրափակչում, հաղթեց Ռուսաստանի ներկայացուցչին: Հաղթարշավը շարունակելով՝ կիսաեզրափակչում 3:0 հաշվով հաղթեց նաև վրացի մարզիկին: Բայց եզրափակչում հայ մարզիկը պարտվեց Ռուսաստանի չեմպիոնին և արդյունքում ձեռք բերեց արծաթե մեդալ:

Այս տարի ավելի քան 140 բռնցքամարտիկ 13 երկրից եկել էին Անապա՝ մասնակցելու ու հաղթելու, Հայաստանից 8-ն էին մեկնել մրցավայր: Հայաստանի հավաքականի գլխավոր մարզիչը Վազգեն Բադալյանն էր: Ի դեպ, սա Նիկոլայ Պավլյուկովի անվան  թվով 9-րդ հուշամրցաշարն էր:

Gurgen Hovhannisyan

Անաստասիա Գալուստյանի արդյունքը Դեբրեցենի աշխարհի առաջնությունում

Հունգարիայի Դեբրեցեն քաղաքում ավարտվեց գեղասահքի պատանիների աշխարհի առաջնությունը: Այստեղ մասնակցում էր Ձմեռային պատանեկան Օլիմպիական խաղերի մասնակից Անաստասիա Գալուստյանը:

Կարճ ծրագրից հետո Անաստասիան 9-րդ հորիզոնականը զբաղեցրեց, սակայն հաջորդ օրը՝ ազատ ծրագրի ավարտից հետո, դիրքերը զիջեց և 16-րդը դարձավ: Մենասահորդ Անաստասիան հավաքեց 137.35 միավոր:

Այս առաջնությունում չեմպիոն դարձավ Ճապոնիայի ներկայացուցիչ Մարին Հոնդան:

Anastasia Galustyan

Խուրշուդյանը և Ալեքսանյանը Ռուսաստանի նախագահի գավաթակիրներ

Շաբաթը ավարտվեց հաղթական, այնպես ինչպես սկսվել էր: Այս անգամ ծանրամարտիկները վերադարձան: Մարտի 20-ին Հռիփսիմե Խուրշուդյանը և Ռուբեն Ալեքսանյանը հաղթեցին Ռուսաստանի նախագահի Գավաթի խաղարկությունում:

+75 կգ քաշային Հռիփսիմե Խուրշուդյանը պոկեց 110 կգ, հրեց 136 կգ, հավաքեց 246 կգ երկամարտի արդյունքում:  Գավաթի խաղարկությանը մասնակցող մյուս +75 կգ քաշային 3 ծանրորդուհիների շրջանում, սրանք հաղթական արդյունքներ էին: Այսպիսով նա առաջինն է:

Առաջինն է նաև +105 կգ քաշային Ռուբեն Ալեքսանյանը, որը  գլխավերևում պահեց 189 կգ պոկելով, 241 կգ էլ հրելով: Երկամարտի արդյունքում 430 կգ արդյունքով գլխավորեց մրցաշարային աղյուսակը:

Նախորդ օրը մեր 3-րդ՝ վերջին  ծանրորդը, Առաքել Միրզոյանը (+94 կգ) զբաղեցրեց 5-րդ հորիզոնականը՝  երկամարտի 320 կգ արդյունքով:

Hripsime Khurshudyan

Նունե Գրիգորյան

Միացի՛ր հայկական ամենասպորտային Instagram-ին:


Հայաստանը 4 ներկայացուցիչ կունենա գեղասահքի Եվրոպայի առաջնությունում

Սիմոն Մարտիրոսյանը, Հակոբ Մկրտչյանը և Ռուբեն Ալեքսանյանը կմասնակցեն վարկանիշային մրցաշարի

Տարվա ելույթ, տարվա առաջընթաց և այլ անվանակարգեր. Ինչով առանձնացավ 2019-ը հայկական սպորտի համար

Հայ շախմատիստներից լավագույնը կրկին Լևոն Արոնյանի արդյունքն է

Հայ շախմատիստներից լավագույնը Գաբրիել Սարգսյանի արդյունքն է

Կառլսենից կրած միակ պարտությունն Արոնյանին զրկեց աշխարհի չեմպիոնի տիտղոսից

Հայ շախմատիստներից լավագույնն առայժմ Արոնյանի արդյունքն է

Առավել հաջողն Արոնյանի, Սարգսյանի ու Մելքումյանի մեկնարկն էր

Կհաջողվի՞ Արոնյանին կրկնել 9-ամյա վաղեմության իր նվաճումը

Գոռ Մինասյանը դարձել է Կատարի գավաթ հաղթող, Ռուբեն Ալեքսանյանը՝ արծաթե մեդալակիր

Հայտնի են «Կաշվե ձեռնոց» մրցաշարի հաղթողներն ու մրցանակակիրները

Կատարի գավաթի խաղարկությանը Հայաստանը կմասնակցի 4 ծանրորդով

Grand Chess Tour. Արոնյանը պարտվեց Կառլսենին՝ բավարարվելով 40 հազար դոլարով

Grand Chess Tour. Արոնյանին չհաջողվեց ռևանշի հասնել Կառլսենի նկատմամբ

Grand Chess Tour. Արոնյանը պարտությամբ սկսեց Կառլսենի հետ մրցախաղը

Grand Chess Tour. Արոնյանը պարտվեց Լիժենին ու կպայքարի 3-րդ տեղի համար