Թոփ-10. Հայաստանի առաջնությունների ամենաարդյունավետ ֆուտբոլիստները - VNews
Բաժիններ

Թոփ-10. Հայաստանի առաջնությունների ամենաարդյունավետ ֆուտբոլիստները

Ֆուտբոլի Հայաստանի առաջնությունների անցկացման 27-ամյա պատմության ընթացքում ընդամենը 10 ֆուտբոլիստի է հաջողվել հատել 100 գոլի սահմանագիծը: Գործող ֆուտբոլիստներից այդ ցուցանիշին առավել մոտ է «Գանձասար-Կապանի» հարձակվող Միհրան Մանասյանը, ում հաշվին ներկայումս 75 գոլ է գրանցված: 30-ամյա ֆուտբոլիստից մեծ ջանքեր կպահանջվեն դեպի երանելի բարձունքը տանող ճանապարհի վերջին քառորդը հաղթահարելու համար: Իսկ ահա 29-ամյա Նորայր Գյոզալյանի (60 գոլ) և 32-ամյա Էդգար Մանուչարյանի (54) համար այդ բարձունքն անհաղթահարելի կմնա:

VNews.am-ը ներկայացնում է ՀՀ առաջնությունների 10 լավագույն ռմբարկուներին:

10. Արման Քարամյան՝ 100 գոլ

«Փյունիկ» (1996/97-1998, 2001-2002թթ.)՝ 61 գոլ, «Արաբկիր» (1996/97թթ.)՝ 4, «Կիլիկիա» (1999-2000թթ.)՝ 35

Բարձր արագությամբ և հուժկու հարվածներով աչքի ընկնող Արման Քարամյանը ռմբարկուի իր հատկանիշներն առաջին անգամ դրսևորել է «Կիլիկիայում» հանդես գալիս: Թիմում անցկացրած երկու մրցաշրջաններում էլ Արմանը դարձել է «Կիլիկիայի» լավագույն ռմբարկուն՝ խփելով համապատասխանաբար 20 և 15 գոլ: Ընդ որում 1999թ. նա ընդամենը մեկ գնդակով հետ մնաց 21 գոլով առաջնության լավագույն ռմբարկու ճանաչված «Ցեմենտի» հարձակվող Շիրակ Սառիկյանից:

Վերադառնալով «Փյունիկ», որտեղ Քարամյանը սկսել էր ֆուտբոլային կարիերան Բարձրագույն խմբում՝ Արմանն ավելի կատարելագործեց իր խաղն ու երկու տարի անընդմեջ դարձավ «Ոսկե խաղակոշիկի» դափնեկիր (2001թ.՝ 21 գոլ, 2002թ.՝ 36):

9. Վահե Յաղմուրյան՝ 104 գոլ

«Արարատ» (1992-1997թթ.)՝ 92 գոլ, «Կոտայք» (1995, 2001թթ.)՝ 7, «Փյունիկ» (1998թ.)՝ 2, «Կիլիկիա» (1999թ.)՝ 2, «Երևան» (1999թ.)՝ 1

«Արարատի» բոլոր տարիների լավագույն ռմբարկուն իր գրագետ խաղի ու տեխնիկական վարպետության շնորհիվ ֆուտբոլային կարիերայի առաջին տարիներին աչքի էր ընկնում բարձր արդյունավետությամբ: Նա Հայաստանի անդրանիկ առաջնության լավագույն ռմբարկուն է՝ 29 հանդիպումներում խփելով 38 գնդակ: Այդ ցուցանիշը 3-րդն է ՀՀ առաջնությունների լավագույն ռմբարկուների ցանկում Արա Հակոբյանից (45 գոլ) և Արսեն Ավետիսյանից (39) հետո:

Վահե Յաղմուրյանին է պատկանում առաջնության մեկ խաղում խփած գոլերի քանակով արդյունավետության ռեկորդը: 1992թ. նա 8 գնդակ էր խփել Սևանի «Աղթամարի» դարպասը: 1993 (20 գոլ) և 1994թթ. (18) Յաղմուրյանը կրկին ամենաարդյունավետն էր «Արարատում», իսկ 1995թ. վարձավճարով «Կոտայքում» խաղալիս 6 խաղում խփած նույնքան գնդակով ճանաչվել էր թիմի լավագույն ռմբարկուն:

Լեգեոներների լիմիտ. Արհեստական ու հապճեպ լուծում մի խնդրի համար, որը իրականում գոյություն չունի

8․ Արմեն Շահգելդյան՝ 105 գոլ

«Արարատ» (1992-1995/96թթ.)՝ 50 գոլ, «Փյունիկ» (1996/97-1997թթ.)՝ 12, «Երևան» (1998թ.)՝ 1, «Միկա» (2001-2002, 2004-2007թթ.)՝ 42

Ֆիզիկական լավ տվյալներով օժտված, ուժային պայքարից չխուսափող Արմեն Շահգելդյանը հաջողությամբ էր եզրափակում խաղընկերների ձեռնարկած գրոհները՝ տիրապետելով նաև հուժկու հարվածների: «Արարատում» հանդես գալու 5 տարիների ընթացքում Շահգելդյանը ՀՀ առաջնություններում 50 գոլի հեղինակ է դարձել: Դրանցից 15-ը նա խփել էր 1993թ. առաջնությունում՝ ցույց տալով կարիերայի ընթացքում իր ամենաբարձր արդյունավետությունը:

Հետագայում ավելի հասուն տարիքում «Միկայում» խաղալիս Արմեն Շահգելդյանը 2 անգամ դարձել է թիմի լավագույն ռմբարկու (2004թ.՝ 12 գոլ, 2006թ.՝ 14):

Միացի՛ր հայկական ամենասպորտային Instagram-ին:

1 2 3

Արմեն Շահգելդյանը ստանձնել է «Սևան ՖԱ»-ի փոխնախագահի պաշտոնը

Արթուր Պետրոսյանը նշանակվել է «Յյուրիխ» Մ21 գլխավոր մարզիչ

Լավագույն ցուցանիշը Հայաստանի վերջին 13 առաջնություններում․ Մորի Կոնեի խելահեղ մրցաշրջանը

Ռոբերտ Արզումանյանը՝ «Ուրարտու-2»-ի գլխավոր մարզիչ

Արմեն Շահգելդյանը՝ Հայաստան – Մակեդոնիա 1995թ․ կայացած խաղի մասին (տեսանյութ)

Անհատական բացառիկ ռեկորդներ, որոնք սահմանել են Հայաստանի առաջնությունների մասնակիցները (մաս 1-ին)

Հայաստանի 6-ակի գավաթակիրը, որ խաղաց նաև Կլոպի թիմի դեմ․ Լուծարված «Միկայի» հետքը հայկական ֆուտբոլում

Ակումբ, որ ընդհատեց «Փյունիկի» 10-ամյա գերիշխանությունը ԲԽ-ում․ Լուծարված «Ուլիսի» հետքը հայկական ֆուտբոլում

Թրեբլ ձևակերպած առաջին հայկական ակումբը․ Լուծարված «Ցեմենտի»/«Արաքսի» դերը հայկական ֆուտբոլում

ԲԽ առաջին ակումբը, որտեղ խաղացին լեգեոներներ․ Լուծարված «Երևանի» հետքը հայկական ֆուտբոլում

Չեմպիոնության համար պայքարը հասավ գագաթնակետին

Սամվել Տեր-Սահակյանը գլխավորեց աղյուսակը

Մրցաշարում երկիշխանություն հաստատվեց

Սամվել Տեր-Սահակյանը հաղթեց չեմպիոնին ու գլխավորեց աղյուսակը

Հինգ մրցախաղերից երեքն արդյունավետ ելք ունեցան

Աշխարհի առաջնություն. Շանթ Սարգսյանն ու Արամ Հակոբյանը հավակնում են չեմպիոնի տիտղոսին