«Տորինոն» աշխատանքից ազատել է գլխավոր մարզչին

«Տորինոյի» գլխավոր մարզիչ Մարկո Ջամպաոլոն ազատվել է զբաղեցրած պաշտոնից՝ հաղորդում է թուրինյան ակումբի պաշտոնական կայքը:

53-ամյա մասնագետի ազատման որոշումը կայացվել է՝ պայմանավորված թիմի անբավարար ցուցանիշով:

«Ակումբը շնորհակալ է Ջամպաոլոյին ու մարզչական շտաբի մյուս անդամներին այս ամիսներին կատարված աշխատանքի համար»,- ասված է թիմի պաշտոնական հաղորդագրության մեջ:

Ջամպաոլոն «Տորինոյի» ղեկն ստանձնել էր 2020 թվականի օգոստոսին: Պայմանագիրը կնքված էր երկու տարի ժամկետով:

Ավելացնենք՝ «Տորինոն» Ա Սերիայի ընթացիկ մրցաշրջանում վաստակել է 13 միավոր և զբաղեցնում է 18-րդ հորիզոնականը:

Միացի՛ր հայկական ամենասպորտային Instagram-ին: