Տոտին տեսակցել է «Լացիոյի» ֆուտբոլիստուհուն, որը դուրս է եկել կոմայից 9 ամիս անց (տեսանյութ)

«Ռոմայի» նախկին ավագ Ֆրանչեսկո Տոտին հիվանդանոցում տեսակցել է «Լացիոյի» ֆուտբոլիստուհի Իլենիյու Մատիլիին:

Անցած տարվա դեկտեմբերին աղջիկը հոսպիտալացվել էր լուրջ վնասվածքների պատճառով, որոնք ստացել էր ավտովթարի հետևանքով:

20-ամյա մարզուհին կոմայի մեջ անցկացրել է 9 ամիս: Այս ողբերգության մասին լուրը հասել է Տոտիին, որը տեսաուղերձ է հղել:

Մատիլին, որը «Ռոմայի» երկրպագու է, չնայած հանդես էր գալիս «Լացիոյում», շուտով գիտակցության է եկել:

Այսօր առավոտյան Տոտին տեսակցել է աղջկան, ով նրան դիմավորել է «գայլերի» մարզաշապիկով: Տոտին աղջկա հետ գրեթե մեկ ժամ շփվելուց հետո խոստացել է հրավիրել ընթրիքի, երբ նա լիովին ապաքինվի:

Միացի՛ր հայկական ամենասպորտային Instagram-ին: