Թովմաս Գրիգորյան. «Լոռիի» դեպքում նվիրատվություն չի լինելու, այլ հստակ գործարք» - VNews
Բաժիններ

Թովմաս Գրիգորյան. «Լոռիի» դեպքում նվիրատվություն չի լինելու, այլ հստակ գործարք»

Ինչպես հայտնի է, «Լոռի» ակումբի սեփականատեր, ՀՖՖ գործկոմի անդամ Թովմաս Գրիգորյանն առաջադրել է իր թեկնածությունը ՀՖՖ նախագահի ընտրություններում:

Նա VNews.am-ին տված հարցազրույցում հետաքրքիր մանրամասներ է հայտնել իր ծրագրերից՝ դեռևս չբացելով բոլոր փակագծերը:

Հայտարարեցիք ՀՖՖ նախագահի պաշտոնում առաջադրվելու մասին` հայտնելով նաև Ձեր մտահոգությունը հայկական ֆուտբոլում ստեղծված վիճակով և նշելով, որ հստակ պատկերացնում եք անհրաժեշտ քայլերը: Կնշե՞ք՝ այս վիճակում առաջնահերթ ինչ լուծումներ եք տեսնում:

-Մանրամասների մասին կցանկանայի խոսել դեկտեմբերի 7-ից սկսած, երբ կլինի, այսպես ասած, քարոզարշավի մեկնարկը: Ես գույքագրել եմ այն ամենը, ինչ կատարվել է ֆուտբոլում: Ես գիտեմ՝ ինչ է կատարվում: Պատկերացնում եմ բոլորի խնդիրները՝ 3 տարեկան ֆուտբոլիստներից մինչև վետերաններ, պատկերացնում եմ նաև այդ խնդիրների լուծման ձևերը:

Նաև շատ կարևոր դիտարկում ունեցաք կապված Ձեր՝ ակումբի սեփականատեր լինելու հետ: Ինչպե՞ս եք հրաժարվելու «Լոռիից», քանի որ վաճառքի գործընթացը գուցե և երկար տևի կամ ձախողվի, իսկ նվիրատվության դեպքում կրկին լինելու են կասկածներ փոխկապակցվածության առումով:

-Պաշտոնապես հայտարարում եմ՝ չի լինելու նվիրատվություն: Լինելու է կոնկրետ վաճառք կոնկրետ անձնավորության, որն ինձ հետ կապ չունի՝ ֆուտբոլային մարդ է կամ արտասահմանից ինչ-որ անձնավորություն: Ֆուտբոլային հանրությունը շատ լավ գիտի իմ շրջապատը: Լինելու է ոչ թե կեղծ, այլ հստակ գործարք:

ՀՖՖ Գործկոմը, նաև Ձեր մասնակցությամբ, հայտարարեց ՀՖՖ ժողովի կազմը մաքրելու գործընթացի մասին: Դա շեշտադրել են նաև առաջնության մի շարք ակումբներ: Դուք ի՞նչ կարծիք ունեք այդ մասին: Կշարունակե՞ք առաջադրել Ձեր թեկնածությունը կամ կստանձնե՞ք պաշտոնը, եթե ընտրվեք ՀՖՖ ներկայիս կազմի կողմից: 

-Իրավաբաններն աշխատում են այդ հարցի շուրջ: Ես անընդհատ երկկողմ, եռակողմ քննարկումների մեջ եմ իրավաբանների հետ: Այնտեղ կան իրավաբանական կոնֆլիկտներ, կանոնադրության մեջ ոչ հստակ գրված նախադասություններ: Իրավաբաններն ինչպես կգտնեն, կքննարկենք, կհասկանանք՝ որ կազմով ենք գնում ընտրության: Կապ չունի՝ որ կազմով ենք գնում՝ առանց հանելու, թե հանած, և հետո սահմանադրության մեջ հստակեցում մտցնելով՝ կգնանք ժողովով հաստատած կազմ: Օրինակ բերեմ. գրված է՝ վերջին 2 տարում ֆուտբոլի ֆեդերացիայի կողմից կազմակերպված միջոցառում. դա ի՞նչ է նշանակում: Մեկը կարող է սա մեկնաբանել այնպես, որ ժողովը համարում է միջոցառում, մեկը կարող է հավաքականի խաղը համարել միջոցառում, մյուսը կարող է համարել հենց խաղին մասնակից լինելը: Դրա համար ես կարծում եմ, որ կանոնադրության մեջ պետք է հստակեցնել և հստակ պահանջել: Եթե մեր ժողովը, մեր հիմնադիր մասնակիցները կորոշեն, որ «միջոցառում» եզրույթը նշանակում է ֆուտբոլ խաղի մասնակից լինել, մենք կգրենք այդպես ու մեր անդամներից կպահանջենք, որ ֆուտբոլի թիմեր պահեն: Օրինակ՝ ֆուտբոլի ֆեդերացիայի նոր տարվա միջոցառմանը մասնակցելը մտնո՞ւմ է այդ շարք… այսինքն, գրված է, բայց գրված է, այսպես ասած, անհասկանալի ձևի: Եվ քանի որ ֆուտբոլի ֆեդերացիան ոչ մի անգամ չի կանգնել նման խնդրի առջև, լուրջ չեն ընդունել այդ հարցը:

Խոսելով Ձեր ծրագրի մասին՝ կառանձնացնե՞ք այն հիմնական կետերը կամ ուղղությունները, որոնցով պատրաստվում եք զարգացնել հայկական ֆուտբոլը:

-Ամենաառաջնայիններից մեկը մանկապատանեկան ֆուտբոլի զարգացումն է: Ըստ իս՝ այսօր հավասարաչափ չեն բաշխված մեր մանկապատանեկան ֆուտբոլի զարգացման միջոցները: Կան մանկապատանեկան դպրոցներ, որոնք խաղում են ճղված գնդակներով, երեխաները չունեն խաղակոշիկներ… Ես դեռ մեկ տարի առաջ լուրջ ծրագիր էի գրել, խնդրել էի՝ Արթուր Վանեցյանն իրագործեր: Այն ժամանակ էլ այնպիսի իրավիճակ էր ստեղծվել, որ ես իմ թեկնածությունը պետք է դնեի: Ես պատրաստվում էի դրան և հայտնվեց պարոն Վանեցյանը, ու եղավ այն, ինչ գիտեք: Ես ունեմ գրված այդ ծրագիրը, այն մեկ ամսում գիշեր-ցերեկ գրել եմ 2 օգնականներիս հետ:

Պետք է մանկապատանեկան ֆուտբոլում շարժառիթներ մտցնենք, շահագրգռվածություն: Օրինակ՝ տվյալ մանկապատանեկան դպրոցը կամ ակադեմիան ցանկացած երեխայի համար, որը մասնակցում է Հայաստանի Ա խմբի առաջնության, ստանա 200 հազար դրամ, Բ խմբի համար՝ 100 հազար, որպեսզի այդ մանկապատանեկան դպրոցները և ակադեմիաները տարեվերջում ունենան X քանակի գումար, որով հոգան իրենց ծախսերը: Օրերս եղել է դեպք, որ մանկապատանեկան թիմը վառելիք չունենալու պատճառով չի հասել խաղի: Պատկերացնո՞ւմ եք՝ ինչ է կատարվում: Մենք ունենք տեխնիկական տնօրեն, որը ստանում է այնքան գումար, որը 400 տարի կհերիքեր այդ վառելիքի ծախսի համար: Պետք է արդարամտություն, խելամտություն մտցնենք, մենք չենք կարող այսպես՝ մեկը գնդակ չունի, մյուսը խաղակոշիկ չունի, ու միայն ծրագրերն իրականացնելու համար վճարենք մի քանի միլիոն դոլար:

Բոլորն էլ համակարծիք են, որ ֆուտբոլը զարգացնելը պետք է սկսել մանկապատանեկան ֆուտբոլից: Ընտրվելու դեպքում շարունակելո՞ւ եք իսպանացի մասնագետների հետ սկսված երկարաժամկետ ծրագիրը, թե՞ մանկապատանեկան ֆուտբոլի զարգացման աշխատանքները տանելու եք այլ ուղղությամբ:

-Չէի ուզենա այդպես դոգմատիկ ասել, բայց պետք է ամեն տեղ հավասարության նշան դնել՝ զարգացման, խնդիրների լուծման: Դուք եթե աշխարհում կգտնեք 20 երկիր, որտեղ տեխնիկական տնօրենն այդքան գումար է ստանում, գրանդ երկրներն էլ հաշված… չկա նման բան: Մանկապատանեկան ֆուտբոլի հետ կապված գրված լուրջ ծրագիր ունենք, այն քննարկվել է մասնագետների հետ: Այդ ծրագիրը հաստատ դատապարտված է հաջողության:

ՀՖՖ նախագահի բացառիկ լիազորությունն է առաջարկել գլխավոր քարտուղարի թեկնածություն, որի դերը նույնպես շատ կարևոր է ՀՖՖ նախագահի աշխատանքում: Արդեն ունե՞ք թեկնածու, որին վստահում եք ու կառաջադրեք ընտրվելու դեպքում:

-Ես տեսնում եմ գլխավոր քարտուղարի, որի անունը չեմ ուզում բարձրաձայնել: Միգուցե նաև հենց ներկայումս աշխատող քարտուղարը լինի: Չի բացառվում, ամեն ինչը քննարկելու, հասկանալու և ծրագրերն իրականացնելու վրա է: Այստեղ կա ծրագրային խնդիր: Պարզապես մեզ մոտ գլոբալ հարցերում ծրագրային կոնֆլիկտ կա, որի հարթվելու դեպքում ամեն ինչ հնարավոր է: Ես ասել եմ՝ ֆուտբոլի ֆեդերացիան ունի պրոֆեսիոնալ անձնակազմ, որը գալիս է տասնյակ տարիներից, ու որի հետ ես մեր ծրագիրը քննարկելու, մեր ջիղը, մեր աշխատասիրությունը, նպատակասլացությունը դնելու և համաձայնություն ստանալու դեպքում շարունակելու եմ աշխատել: Գլոբալ փոփոխություններ են պետք ֆուտբոլի զարգացման քաղաքականության մեջ:

Միացի՛ր հայկական ամենասպորտային Instagram-ին:


Տրանսֆերային ամառ-2020․ Բարձրագույն խմբի ակումբների համալրումները և կորուստները (թարմացվում է)

Պաշտոնական․ Ուգոչուկվու Իվուն ելույթները կշարունակի «Ուրարտուի» կազմում

ՀՖՖ. ՈՒԵՖԱ-ի անդամ 55 ասոցիացիաների գլխավոր քարտուղարները մասնակցել են տեսակոնֆերանսի

Պաշտոնական. «Լոռին» նոր գլխավոր մարզիչ ունի

Պաշտոնական․ Արմեն Սանամյանը հեռացել է «Լոռիից» և գլխավորել հայկական մեկ այլ թիմ

Հայտնի է Բարձրագույն խմբի լավագույն ֆուտբոլիստը

Հայտնի է Հայաստանի՝ 2019/20 մրցաշրջանի լավագույն մարզչի անունը

Չեմպիոնի հետ մրցախաղերում լավագույն արդյունքի հասավ, «Շիրակի» հետ դիմակայությունում էլ կրկին չպարտվեց

Կայացել է Հայաստանի Բարձրագույն և Առաջին խմբերի վիճակահանությունը

ՀՖՖ Բողոքարկման կոմիտեն ուժի մեջ թողեց ՀՖՖ Կարգապահական և էթիկայի կոմիտեի որոշումները

«Արարատը» ևս երկու համալրում ունի

Ինչո՞ւ են դադարեցված Վանաձորի, Սևանի, Արմավիրի և Սիսիանի մարզադաշտերի վերակառուցման աշխատանքները

Podcast #15. 10 երևույթ, որ բացառիկ դարձրեցին Հայաստանի Բարձրագույն խմբի 2019/20 մրցաշրջանը

Պաշտոնական. Դավիդ Կամպանյան`«Արարատ-Արմենիայի» գլխավոր մարզիչ

Հայաստանի 2019-20 մրցաշրջանի լավագույն ֆուտբոլիստ կորոշվի նաև երկրպագուների վարկածով

Մեկնարկում է Հայաստանի 2019/2020 մրցաշրջանի լավագույնների քվեարկությունը