«Ծեր Սինյորան հոսպիտալացված է». «Յուվենտուսի» ձախողման գլխավոր մեղավորն ու պատճառները - VNews
Բաժիններ

«Ծեր Սինյորան հոսպիտալացված է». «Յուվենտուսի» ձախողման գլխավոր մեղավորն ու պատճառները

Բասկետբոլում, ի տարբերություն ֆուտբոլի, ընդունված է համարել, որ եթե թիմը պարտվում է մինչև 10 միավորի տարբերությամբ, մեղավորը լինում է մարզիչը, սակայն երբ միավորների տարբերությունն անցնում է 15-20 միավորը, այդ դեպքում մեղքը պետք է փնտրել խաղացողների մեջ: Աշխարհի թիվ մեկ սպորտաձևում ամեն ինչ հարաբերական է: Բարդագույն հանդիպումները պարտվելու դեպքում ընդունվում է կարծիք, որ «տղաները լավ պայքարեցին, բայց բախտը մեր կողմը չէր» ձևակերպմամբ, իսկ տոտալ ձախողման ժամանակ մարզիչը մեղքը վերցնում է իր վրա: «Այաքսից» կրած պարտության համար Ալեգրիի մեղքն այնքան մեծ էր, որ նրա վրա Քենեդու ու Լեդի Դիանայի սպանությունը բարդելն էլ է քիչ:

Զիդանի գլխավորությամբ «Ռեալի» երկրորդ հաղթանակից հետո համացանցում հայտնվեց տեսանյութ, որը պատմում է ֆրանսիացու՝ ընդմիջմանն արված հնչեղ ելույթի մասին: Զիզուն 10 րոպեում այնպես էր ոգևորել իր տղաներին, որ երկրորդ 45 րոպեներին խաղադաշտում ոչ թե ֆուտբոլիստներ էին, այլ զորեղագույն, գոլի ու հաղթանակի ծարավ գլադիատորներ: Իսկ «Ծեր Սինյորան» այդպես էլ մնաց իր հասարակ մահկանացուներով: Զիզուի այս սփիչի մասին ֆիլմ էլ պատրաստեցին: Հավանաբար Ալեգրին այն չի նայել: Իզուր:

Անողնաշար

Իրեն հարգող յուրաքանչյուր մարզիչ կարող է ձեզ պատմել, որ իր մարզչական կարիերայի ընթացքում ունեցել է նման դեպք. երբ իր թիմը պարտվելիս է եղել, նա մտել է հանդերձարան, ոգևորել է ու, ի վերջո, հաղթանակ է տարել: Անգամ Հայաստանի առաջնությունում կգտնվեն այդպիսի մասնագետներ: Իսկ, թե ինչ է ասել Ալեգրին իր ֆուտբոլիստներին, միայն նրանք գիտեն: Բայց այն, որ ընդմիջումից հետո խաղադաշտ էին դուրս եկել ոչ թե ֆուտբոլիստներ, այլ իսկապես հոսպիտալացման ենթակա «Ծեր Սինյորաներ», առավել քան ակնհայտ էր:

Երկրորդ կեսում «Յուվե» բացարձակապես չկար: Թիմը դանդաղ էր դուրս գալիս պաշտպանությունից, առջևի գծում կրեատիվությունը 0 էր, պաշտպանությունում առանց Կիելինիի թիմը նման էր վախեցած պատանու, վերջին րոպեներին էլ, երբ պետք էր ամբողջ թիմով գրոհել ու ճնշել, այլևս ուժ չէր մնացել: «Ֆուտբոլը պրիմիտիվ խաղ է». մի առիթով ասել էր Ալեգրին: Սակայն անգամ այդ էպիտետը «Յուվեի» խաղի համար կլինի գժոտ հաճոյախոսություն: «Բյանկոներիները» պարզապես գնդակ էին գլորում կամ էլ պարզապես այն առաջ էին ուղարկում Ռոնալդուի ուղղությամբ «մարդ ես, մի բան գուցե ստացվի» սկզբունքով: Տիպիկ ալեգրիական ֆուտբոլ:

Ամենահետաքրքիր գործակիցները ֆուտբոլային իրադարձությունների համար

Միացի՛ր հայկական ամենասպորտային Instagram-ին:

1 2 3

«Ռեալի» տրանսֆերային հեղափոխության «հովանավորը» Ռայոլան կլինի

Ռոնալդուն կատակել է Ֆերնանդեշի հետ հայտնի մարտահրավերից հետո (տեսանյութ)

Կասանո. «Բեքհեմը «Ռեալում» կարծես ռոք աստղ լիներ, բայց ես նրանից ավելի լավ էի նայվում»

Կասիլյաս. «Վստահ եմ, որ մի օր կվերադառնամ «Ռեալ»

«Բարսելոնան» ու «Յուվենտուսը» ֆուտբոլիստների փոխանակում են պատրաստում

«Օպերացիա Մբապե». «Ռեալը» որոշել է՝ երբ է անցնելու վճռական գործողության

«Ռեալ Մադրիդ Կաստիլյայի» ֆուտբոլիստը՝ «Բարսելոնայի» և անգլիական ակումբների նշանառության տակ

Գիգզը կազմել է «Յունայթեդում» իր թիմակիցների խորհրդանշական հավաքականը

Նանի․ «Թվերը չեն ստում․ Ռոնալդուն լավագույնն է»

Կրոս․ «Աշխատավարձերի կրճատումն ապարդյուն զոհաբերություն է»

«Ռոմայի» նախկին ֆուտբոլիստը լուրջ քննադատել է ակումբի ղեկավարությանը

50 ամենապատմական մարզաշապիկները՝ ըստ France Football-ի (լուսանկար)

Ռոնալդուն չի վերադառնա «Ռեալ»

Դիեգո Ֆոռլան. «Նա «Ռեալի» համար կարող է դառնալ նոր Սերխիո Ռամոս»

Յովիչը կարող է դառնալ Հալանդի գործարքի մի մասը

«Ռեալն» ու «Բարսելոնան» իրենց ցավակցությունն են հայտնել Անտիչի մահվան կապակցությամբ