Տուխելը նշել է ՊՍԺ-ի՝ «Բորուսիայից» կրած պարտության պատճառները

ՊՍԺ-ի գլխավոր մարզիչ Տոմաս Տուխելը մեկնաբանել է ՉԼ 1/8 եզրափակիչում «Բորուսիայից» կրած պարտությունն ու նշել դրանց պատճառները:

«Մեզ չբավականացրեց համբերությունն ու հարձակման գծում ճիշտ գործողությունները: Մենք նաև չէինք կարողանում ճնշում գործադրել այնպես, ինչպես ծրագրել էին, և գնդակը բավականաչափ չէինք վերահսկում: Երկրորդ խաղակեսում խաղն ավելի բացվեց: Մենք մոտ էինք մեր երկրորդ գոլը խփելուն: Գիտեմ՝ երբ արդյունքն իդեալական չէ, հեշտ է խոսել սխալների մասին: Այստեղ շատ ակումբներ են պարտվել, այսպես էլ կարող է պատահել: Ինձ համար այս խաղը ոչ թե տակտիկայի մասին էր, այլ՝ խաղի որակի», – գերմանացու խոսքերն է փոխանցում ՈւԵՖԱ-ի պաշտոնական կայքը:

Միացի՛ր հայկական ամենասպորտային Instagram-ին: