Tuttosport. Ռոնալդուն «Յուվենտուսի» ղեկավարներին ասել է՝ ում է ցանկանում տեսնել թիմում

Ինչպես տեղեկացնում է իտալական Tuttosport պարբերականը, «Յուվենտուսի» հարձակվող Կրիշտիանու Ռոնալդուն ակումբի ղեկավարներին խնդրել է գնել «Մանչեսթեր Յունայթեդի» կիսապաշտպան Պոլ Պոգբային:

Աղբյուրի փոխանցմամբ՝ Պոգբան ևս դեմ չէ վերադառնալ Թուրին: Ֆրանսիացին այնքան էլ լավ իրավիճակում չէ «Մանչեսթեր Յունայթեդում». թիմը Պրեմիեր լիգայում զբաղեցնում է 7-րդ հորիզոնականը, իսկ ինքը չի կարողանում լավ մարզավիճակ ձեռք բերել ու գտնել իրեն թիմում: Նշվում է նաև, որ Պոգբան լավ հարաբերությունների մեջ է «Յուվեի» պաշտպան Մատեյս դե Լիխտի հետ, որի գործակալը Մինո Ռայոլան է՝ Պոգբայի գործակալը:

Ավելի վաղ հաղորդվում էր, որ Պոգբային ցանկանում է գնել նաև «Ռեալը»:

Միացի՛ր հայկական ամենասպորտային Instagram-ին: