Ուկրաինայի հավաքականը ֆրանսիացիների դեմ հայտավորել է 45-ամյա դարպասապահի

Ֆրանսիայի ու Ուկրաինայի հավաքականների միջև այսօր կայանալիք ընկերական հանդիպմանն ուկրաինացիները հայտավորել են 2016 թվականին մարզական կարիերան ավարտած, 45-ամյա դարպասապահ Ալեքսանդր Շովկովսկիին՝ հաղորդում է AS-ը:

Բանն այն է, որ Ուկրաինայի հավաքականի դարպասապահներից երեքի մոտ ախտորոշվել է կորոնավիրուս:

Շովկովսկին, որը մարզական կարիերան ավարտել է 2016 թվականին և այս պահին Ուկրաինայի հավաքականում գլխավոր մարզիչ Անդրեյ Շևչենկոյի օգնականն է, 90 խաղ է անցկացրել ազգային ընտրանու մարզաշապիկով:

Ուկրաինացիների մեկնարկային կազմն արդեն հայտնի է: Դարպասը կպաշտպանի Գեորգի Բուշանը, որը հավաքականի հիմնական դարպասապահներից միակն է, որ վարակված չէ կորոնավիրուսով:

Ուկրաինայի հավաքականի դարպասապահներից կորոնավիրուսով վարակված են Անդրեյ Պյատովը, Անդրեյ Լունինն ու Յուրի Պանկիվը:

Միացի՛ր հայկական ամենասպորտային Instagram-ին: