Ում կհրավիրի ՊՍԺ-ն, եթե Մբապեն հեռանա ակումբից

Խաղի մանրամասները

տուր

01 Հունվար 1970 - 23:02

-

-

Կատարել Խաղադրույք

«Տոտենհեմի» 27-ամյա հարձակվող Հարի Քեյնը հայտնվել է ՊՍԺ-ի հետաքրքրությունների շրջանակում: Այս մասին հաղորդում է The Mirror-ը:

Սակայն Ֆրանսիայի չեմպիոնի գլխավոր մարզիչ Մաուրիսիո Պոչետինոյի և ֆուտբոլիստի վերամիավորումը հնարավոր կդառնա միայն այն դեպքում, եթե ՊՍԺ-ից հեռանա հարձակվող Կիլիան Մբապեն, որին իր կազմում տեսնելու մեծ ցանկություն ունի Մադրիդի «Ռեալը»: Արգենտինացի մասնագետն ու Քեյնը միմյանց ծանոթ են «Տոտենհեմում» աշխատանքի ժամանակաշրջանից:

Անգլիայի հավաքականի հարձակվողը լոնդոնյան ակումբի կազմում ընթացիկ մրցաշրջանում մասնակցել է 32 խաղի՝ դառնալով 21 գոլի ու 14 արդյունավետ փոխանցման հեղինակ: Նրա պայմանագիրը «Տոտենհեմի» հետ ուժի մեջ կլինի մինչև 2024 թվականի հունիսի 30-ը, իսկ տրանսֆերային արժեքը, ըստ Transfermarkt․de պորտալի, կազմում է 120 մլն եվրո:

Հաղորդվում է, որ լոնդոնյան ակումբը պատրաստ է բաժանվել հարձակվողից ու տրանսֆերի հավանական գնորդներից պահանջում է 170 մլն եվրո:

Ավելի վաղ տարածվել էին տեղեկություններ, որ Քեյնին ցանկանում են հրավիրել նաև «Մանչեսթեր Յունայթեդն» ու «Մանչեսթեր Սիթին»:

Ինչու «Ռեալը» ձեռք չբերեց Մբապեին 2017 թվականին

Միացի՛ր հայկական ամենասպորտային Instagram-ին: