Եվրո-2024-ի ընտրական փուլի խաղերին նախապատրաստվող Հայաստանի ազգային հավաքականը հունիսի 8-ին ՀՖՖ Տեխնիկական կենտրոն/Ֆուտբոլի ակադեմիայում սկսել է մարզական հավաքը: Ալեքսանդր Պետրակովի գլխավորած թիմն անցկացրել է առաջին մարզումը, հայտնում է ՀՖՖ-ի մամուլի ծառայությունը:
Հավաքի առաջին մարզմանը մասնակցել են հետևյալ ֆուտբոլիստները․
Դարպասապահներ
- Օգնյեն Չանչարևիչ՝ «Ալաշկերտ»
- Արսեն Բեգլարյան՝ «Ուրարտու»
- Ստանիսլավ Բուչնև՝ «Փյունիկ»
Պաշտպաններ
- Ժիրայր Մարգարյան՝ «Ուրարտու»
- Էրիկ Փիլոյան՝ «Ուրարտու»
- Սերգեյ Մուրադյան՝ «Նոա»
- Տարոն Ոսկանյան՝ «Ալաշկերտ»
- Ստյոպա Մկրտչյան՝ ԲԿՄԱ
- Նաիր Տիկնիզյան՝ «Լոկոմոտիվ» (Ռուսաստան)
Կիսապաշտպաններ
- Արտակ Դաշյան՝ «Փյունիկ»
- Հովհաննես Հարությունյան՝ «Փյունիկ»
- Ուգոչուկվու Իվու՝ «Ուրարտու»
- Վբեյմար Անգուլո՝ «Ալաշկերտ»
- Արթուր Սերոբյան ՝ «Արարատ-Արմենիա»
- Դավիդ Դավիդյան՝ «Փյունիկ»
- Արթուր Միրանյան՝ «Ալաշկերտ»
- Վահան Բիչախչյան՝ «Պոգոն» (Լեհաստան)
- Խորեն Բայրամյան ՝ «Ռոստով» (Ռուսաստան)
Հարձակվողներ
- Հրանտ-Լեոն Ռանոս՝ «Բորուսիա Մյոնխենգլադբախ» (Գերմանիա)
- Տիգրան Բարսեղյան՝ «Սլովան» (Սլովակիա)
- Արթուր Միրանյան՝ «Ալաշկերտ»
Ղազախական «Աստանայի» պաշտպաններ Վարազդատ Հարոյանը և Կամո Հովհաննիսյանը հավաքականին կմիանան հունիսի 8-ի երեկոյան, հունիսի 11-ին ազգային թիմին կմիանա շվեդական «Բրոմապոյկարնայի» պաշտպան Անդրե Կալիսիրը, հաջորդ օրը կժամանեն ռուսական «Կրասնոդարի» խաղացողներ Էդուարդ Սպերցյանն ու Գեորգի Հարությունյանը։
Լուկաս Սելարայանը («Քոլամբուս Քրյու», ԱՄՆ) և Նորբերտո Բրիասկո Բալեկյանը («Բոկա Խունիորս», Արգենտինա) հավաքականին կմիանան հունիսի 14-ին Ուելսում: Սոֆիայի ԲԿՄԱ-ի կիսապաշտպան Ժիրայր Շաղոյանի ժամանման օրը պարզ կդառնա ավելի ուշ։
Հայաստանի հավաքականը հունիսի 9-ին՝ ժամը 17:30-ին, կանցկացնի բաց մարզում, որին կարող են ներկա գտնվել երկրպագուները և մեդիայի ներկայացուցիչները: Ազգային թիմը մարզական հավաքը կավարտի հունիսի 14-ին և կմեկնի Կարդիֆ, որտեղ երկու օր անց ուժերը կչափի Ուելսի հավաքականի հետ: Հունիսի 19-ին հայ ֆուտբոլիստները Վազգեն Սարգսյանի անվան «Հանրապետական» ստադիոնում կմրցեն լատվիացիների հետ:
Հիշեցնենք, որ Եվրո-2024-ի ընտրական մրցաշարի D խմբի մեկնարկային տուրում Հայաստանի հավաքականն ընդունել էր Թուրքիայի հավաքականին ու պարտվել 1-2 հաշվով: Այս խմբում ընդգրկված է նաև աշխարհի առաջնության բրոնզե մեդալակիր Խորվաթիայի հավաքականը:
Տեսանյութը՝ ՀՖՖ-ի մամուլի ծառայության