Ուրոշ Նենադովիչը՝ Հայաստանի առաջնությունների ամենաարդյունավետ սերբ ֆուտբոլիստ - VNews
Բաժիններ

Ուրոշ Նենադովիչը՝ Հայաստանի առաջնությունների ամենաարդյունավետ սերբ ֆուտբոլիստ

«Ալաշկերտի» հետ հանդիպման 22-րդ րոպեին գրավելով իր նախկին թիմակից Օգնեն Չանչարևիչի պաշտպանած դարպասը, Ուրոշ Նենադովիչը ոչ միայն դրեց «Արարատի» հաղթանակի հիմքը, այլև Բարձրագույն խմբում խփեց 23-րդ գնդակը և դարձավ ՀՀ առաջնություններում հանդես եկած ամենաարդյունավետ սերբ ֆուտբոլիստը: Նա գերազանցեց իր հայրենակից Ալեքսանդր Ռակիչի ռեկորդային ցուցանիշը, որն աչքի էր ընկել 22 անգամ: Նենադովիչը նաև ընդգրկվեց ՀՀ առաջնությունների ամենաարդյունավետ լեգեոնականների տասնյակում:

Ուրոշ Նենադովիչը Հայաստանում հայտնվեց 2017թ. սկզբին՝ «Ալաշկերտի» կազմում մասնակցելով 2016/17թթ. առաջնության գարնանային հատվածին: Եվ հենց իր նորամուտի խաղում՝ 2017թ. մարտի 4-ին սերբ ֆուտբոլիստը բացեց գոլերի հաշիվը՝ 32-րդ րոպեին խոցելով «Բանանցի» դարպասապահ Արամ Հայրապետյանի պաշտպանած դարպասը:

Արտակ Գրիգորյանը դարձավ 12-րդ ֆուտբոլիստը, որ հատեց անցկացրած 400 պաշտոնական խաղի սահմանագիծը

Հաջորդ խաղում ևս Նենադովիչն աչքի ընկավ արդյունավետությամբ՝ գրավելով «Շիրակի» դարպասը: Բարձրագույն խմբում առաջին մրցաշրջանը շատ հաջող դասավորվեց Ուրոշ Նենադովիչի համար, որն արժանացավ ՀՀ չեմպիոնի իր առաջին ոսկե մեդալին: Առաջնության 11 հանդիպումներում նա իր հաշվին 4 գոլ գրանցեց:

Հաջորդ մրցաշրջանում «Ալաշկերտում» Նենադովիչը 2-րդ անգամ չեմպիոնի տիտղոսին արժանացավ՝ 29 հանդիպումներում դառնալով 8 գոլի հեղինակ: Դա 3-րդ արդյունքն էր թիմի ռմբարկուներ Արտակ Եդիգարյանից (13) ու Միհրան Մանասյանից (9) հետո:

2018/19թթ. առաջնությունում Նենադովիչն «Ալաշկերտում» իր վերջին մրցաշրջանում հերթական տիտղոսին արժանացավ՝ դառնալով ՀՀ գավաթակիր: 28 հանդիպումներում խփելով 6 գնդակ, Նենադովիչն իր գոլերի թիվը հասցրեց 18-ի ու շրջանցելով Հեբեր Արաուխոյին, դարձավ «Ալաշկերտի» ամենաարդյունավետ լեգեոնականը: Նրա արդյունքը մինչ օրս չի գերազանցվել:

2018/19թթ. առաջնությունից հետո սերբ ֆուտբոլիստը հեռացավ «Ալաշկերտից», սակայն կարճ ժամանակ անց վերադարձավ Հայաստան՝ ընդունելով Գյումրիի «Շիրակի» հրավերը: «Շիրակում» էլ իր նորամուտը Նենադովիչը գոլով նշեց՝ այս տարվա փետրվարի 29-ին խոցելով «Նոայի» դարպասը: Նախորդ առաջնությունում «Շիրակի» կազմում Նենադովիչն անցկացրած 10 խաղում 2 գոլ խփեց:

Ընթացիկ մրցաշրջանը Նենադովիչը շիրակցի իր մի խումբ թիմակիցների հետ դիմավորեց «Արարատում»: Այստեղ էլ նա չխախտեց արդեն ձևավորված ավանդույթը ու կրկին նորամուտը գոլով նշեց: Օգոստոսի 16-ին «Փյունիկի» հետ առաջնության մեկնարկային հանդիպման խաղավերջում հենց Նենադովիչի խփած միակ գոլը հաղթանակ պարգևեց «Արարատին», որի կազմում սերբ ֆուտբոլիստն աստիճանաբար վերագտնում է ռմբարկուի իր նախկին լավագույն որակները: Դրա ապացույցը 8 խաղում խփած 3 գոլերն են:

Գևորգ Ղազարյանն ընդգրկվեց 100 գոլի սահմանագիծը հատած ռմբարկուների ցանկում

VNews.am-ը ներկայացնում է ՀՀ առաջնությունների ամենաարդյունավետ սերբ ֆուտբոլիստների ցանկը:

Ֆուտբոլիստներ Ակումբներ Գոլ
1. Ուրոշ Նենադովիչ «Ալաշկերտ»-18, «Շիրակ»-2, «Արարատ»-3 23
2. Ալեքսանդր Ռակիչ «Արարատ»-21, «Գանձասար-Կապան»-1 22
3. Իգոր Ստանոևիչ «Շիրակ»-6, «Ուրարտու»-3, «Արարատ»-1 10
4. Իվան Ռիստիչ «Միկա» 7
5. Դեյան Վուկոմանովիչ «Գանձասար-Կապան»-6, «Արարատ»-1 7
6. Գորան Օբրադովիչ «Գանձասար-Կապան»-4, «Արարատ»-1 5
7. Նենադ Ինյաց «Ուրարտու» 5
8. Միլոշ Ստամենկովիչ «Շիրակ»-3, «Արարատ»-1 4
9. Վլադիմիր Մատիչ «Գանձասար-Կապան» 4
10. Պրեդրագ Բլագոևիչ «Արարատ» 3
11. Դամիր Մեմովիչ «Գանձասար-Կապան» 3

Միացի՛ր հայկական ամենասպորտային Instagram-ին:


Դեսիրեն միայն Մարկոսին է զիջում առաջնության ամենաարդյունավետ լեգեոնականների ցանկում

Դավիդ Կամպանյա. «Խաղի ընթացքում 3 անգամ սխեմա փոխեցինք» (տեսանյութ)

Դմիտրի Գունկո. «Մենք նվերներ մատուցեցինք, որից հետո սպասելի էր, որ մրցակիցը կփակվի ու կխաղա ըստ հաշվի» (տեսանյութ)

Բենիկ Հովհաննիսյան․ «Ամեն ինչ կանեմ, որ ոչ միայն հրավիրվեմ հավաքական, այլ նաև խաղերի մասնակցեմ» (տեսանյութ)

Ֆուրջել Նարսինգ․ «Կամպանյայի օրոք տարբեր սխեմաներով ենք խաղում և կարող ենք հարմարվել ցանկացած իրավիճակի» (տեսանյութ)

Ալեքսանդր Գրիգորյան․ «Սպասում էինք, որ կարող ենք «Շիրակից» լուրջ դիմադրության հանդիպել» (տեսանյութ)

Վարդան Բակալյան․ «Վատ ֆուտբոլ չենք խաղում, ունենում ենք պահեր, բայց չի ստացվում հաղթել» (տեսանյութ)

Էդգար Գրիգորյան․ «Շիրակի» դեմ մրցելը միշտ էլ դժվար է, բայց այսօր վերահսկում էինք ամբողջ խաղը» (տեսանյութ)

Գևորգ Կասպարովի պատմական նվաճումը. Նա Հայաստանի առաջնությունների ամենատարեց դարպասապահն է

«Ուրարտուն» վստահորեն հաղթեց «Շիրակին» ու բարձրացավ 1-ին տեղ (տեսանյութ)

«Շիրակ» – «Ուրարտու»․ Մեկնարկային կազմեր, ուղիղ հեռարձակում (տեսանյութ)

Ստանիսլավ Բուչնև․ «Փյունիկն» ունի ներդրված խաղաոճ, պետք է պարզապես մի փոքր բարելավել, և ամեն ինչ լավ կլինի» (տեսանյութ)

Վահագն Այվազյան․ «Վանն» ամուր և հավասարակշռված թիմ է, որն ամեն խաղում պայքարում է հաղթանակի համար» (տեսանյութ)

Արտակ Օսեյան. «Թիմը պրոգրես ունի, բայց դեռ չենք կարողանում կայունացնել մեր խաղը: Արդյունքից չեմ կարող գոհ լինել» (տեսանյութ)

Սևադա Արզումանյան. «Երկկողմանի պայքարով լի խաղ ստացվեց: Մրցակցի դարպասապահը շատ լավ գործեց» (տեսանյութ)

Դավիդ Դավիդյան․ «Ցավալի է, երբ մրցավարներն այսպես «կոտրում» են խաղը» (տեսանյութ)